سەرۆكێ زانكۆیا دهۆك پ. د. مصلح دهۆكی ل سەر داخازا دو زانكۆیێن كەنەدی سەرەدانا وەلاتێ كەنەدا كر و سەرەدانا زانكۆیا یورك (YU) ل تورنتو كر كو ل سالا بۆری زانكۆیا دهۆك رێككەفتنەك دگەل وێ زانكۆیێ ئیمزا كربوو، ب مەرەما پتر مفا وەرگرتن و هەڤكاریێ د ناڤبەرا هەردوو زانكۆیان دا.
پ. د. مصلح دهۆكی دیاركر كو دڤێ سەرەدانێ دا پرۆژەكێ بەفرەه پێشكێشی سەرۆكێ زانكۆیا یورك (YU) كر كو ئەڤ پرۆژە هەشت سالان دێ یێ بەردەوام بیت، پرۆژە ژ سێ قووناغان پێك دهێت، قووناغا ئێكێ دویڤچوون ل سەر كەمپێن ئاوارە و پەنابەران ل پارێزگەها دهۆكێ و كا د چ كاودان دانە ژ هەمی رویەكی ڤە، قووناغا دووێ دویڤچوون ل سەر ئاوارێن قەستا وەلاتێ كەندا كرین كا كاودانێن وی خەلكی د چ ئاست دانە، قووناغا سیێ دویڤچوون ل سەر وان زارۆكێن تووشی نەخۆشیێن ترومایێ بووین، هندەك سازی و رێكخراوێن وەلاتێ كەنەدا دێ پشتەڤانیێ ل ڤی پرۆژەی كەن، دچارچووڤێ رێككەفتنا هاتیە ئیمزاكرن دێ مامۆستایێن وان زانكۆیان سەرەدانا هەرێما كوردستانێ كەن ب مەرەما گۆتنا وانا و تایبەت ل وان پشكێن ل زانكۆیا دهۆك پێدڤی پێ هەبیت