ژ چالاكیێن سەنتەرێ بێشكچی بۆ ڤەكولینێن مرۆڤایەتی ل زانكۆیا دهۆك ل رێكەفتی 28/11/2019 ل هولا كونفرانسان و ب ئامادەبونا پرۆفیسۆر دكتور مصلح دهۆكی سەروەكێ زانكۆیا دهۆك وفەرهاد ئەمین ئەتروشی پارێزگارێ دهۆكی سمینارەك بو دوستێ مللەتێ كورد دكتۆر ئیسماعیل بێشكچی ل ژێر ناڤێ (دۆزا كوردی دچارچوڤێ هەڤركیێن هەرێمی و نێڤدەلەتی 1920-2017) هاتە رێكخستن.
دكتور ئەكرەم فتاح سلیم ژسەنتەرێ بێشكچی وڤەكولینێن مرۆڤایەتی گوت"بابەتێ سمیارا بێشكچی ئەوێ ئەڤرو ژلایێ سەنتەرێ مەڤە هاتیە ریخستن ب ناڤێ دوزا كوردی دچارچوڤێ هەڤركیێن هەرێمی ونیف دەولەتی دا بو پروفیسۆر ئیسماعیل بیشكچی ژبەركو بیشكچی گەلەك بابەت ل سەر دوزا كوردی یێن نڤیسین وب دەهان پەرتووك ل سەر مللەتێ كورد ژلایێ ویڤە هاتینە بەلافكرن، سمینارا بیشكچی بەحسێ كارتێكرنا دوزا كوردی ل باكورێ كوردستانێ دیسان هێرش دەولەتا تورك بو سەر رۆژئاڤایێ كوردستانێ وكارتێكرنا وێ هێرشێ ل سەر دوزا كوردی ب گشتی و هەرێما كوردستانێ هاتە بەحسكرن.
دكتۆر ئەكرەم گوتژی" ژبەركو سەنتەرێ بیشكچی ب ناڤێ دكتۆر ئیسماعیل بێشكچی هاتیە نافكرن چونكە رولێ وی د دوزا كوردی دا گەلەكێ گرنگە، دیسان سەنتەرێ مە شیایە گەلەك پەرتوكێن ڤی رەوشەنبیرێ دوستا كوردان وەرگێرین ژ زمانێ توركی بو زمانێ كوردی.
سەنتەرێ ڤەكولینێن وجینوسایدێ ل زانكۆیا دهۆك پشتی دیماهە هاتنا سمینارا بێشكچی سێ پەرتوك كو ژلایێ سەنتەرێ ناڤبری ڤە هاتینە چاپكرن هاتنە ئیمزاكرن