لژێر چاڤدێرییا بەڕێز سەرۆکێ زانکۆیا دهوک [پرۆفیسۆر / د. مصلح محمد سعید دهوکی] ، پشکا (هۆنەرێن شێوەرکاری) ل کۆلێژا زانستێن مرۆڤایەتی دێ ڕابیت ب ڤەکرنا پێشانگەها ساڵانە یا چوارێ ئەوا دهێتە ئەنجام دان ل ڕۆژێن (۲٤-۲۸ / ٤ / ۲۰۱٦) ل دەمژمێر (۱۰)ـی سپێدێ ل ئاڤاهیێ پشکا هۆنەرێ شێوەکاری کۆلێژا ناڤبری . هاتنا هەوە پشتەڤانیە بۆهۆنەرێ شێوەکاری ل پارێزگەها دهوکێ
چوارەمین پێشانگەها سالانە یا پشكا هونەرێن شێوەكاری ل زانكویا دهوك گەهشتیە قوناغێن نوی یێن پێشڤەچونێ د هەمی قوناغێن پروگورامان دا هەر ژ قوناغا ئێكێ تا قوناغا چوارێ , كو هەمی پێكڤە دگەل ستافێ ژێهاتی كاردكەن ژ بوو گەهشتن ب بەرزترین ئارمانجێن ئەكادیمی ژ بوو ب دەستڤەئینانا وان ئارمانجێن پلان بۆ هاتیە دانان. ئەف سالە جهێ شانازییا مە یە ب ئێكەمین گەرا دەرچوونا قوتابیێن پشكا مە كو ژمارەكا زور ژ وان قوتابیان دێ بنە بەشەكێ گرنگ ژ هونەرێ كوردستانێ , هەروەسا بەهرە و داهێنانێن ڤان قوتابیان دێ هێزەكا زور ب هونەرێ هەڤجەرخ بەخشن ل دهوكێ ول سەرانسەری كوردستانێ.
پێشانگەها ئەف سالە دێ تەكەزێ ل سەر كار و پروژێن قوتابیێن قوناغا چوارێ كەت كو هەر پروژەیەك پێك دهێت ژ (10) كارێن هونەری مینا تابلویێن رەنگی یێن مەزن كو نەبتنێ رەنگڤەدانا زیرەكیا بكارئینانا رەنگان و بەهرەیێن وانایە لێَ هەروەسا رەنگڤەدانا رەسەناتی و ناسنام وكەلەپورێ كوردی دكەن. ئەڤ قوتابیە كارەكێ باش دكەن بو ئەنجامدانا ڤێ پێشانگەها ژێهاتی دا ببیتە نیشانا روناهیێ بو سالێن بهێت, ئەڤە نفشێ تازە یێ ژێهاتی ژ هونەرمەندێن گەنج دێ سەركرداتیا بزافا هونەرێ یا تازە د وەلاتێ دا كەن. سوپاسیەكا گەرم بو بەرێز سەروكێ زانكویا دهوك (پروفیسور د. مصلح محمد سعید دهوكی ) و بەرێز راگرێ كولیژێ ( د.مزگین محمد حسن عبو ) و ستافێ پشكێ هەمیێ بۆ پشتەڤانیا وان یا بەردەوام. داخوازا پاشەروژەكا گەش دكەم بو قوتابیێن دەرچووی و هیڤیە بشێن خزمەتا وەلاتێ خو و مروڤایەتیا جیهانێ بكەن ب هونەر و بەهرەیێن خو .
پروفیسور د. سعدی عباس كاڤم بابلی
سەروكێ پشكا هونەرێن شێوەكاری، زانكویا دهوك، 2016
ئەندامێ دەستەكا نیڤدەولەتی یا هونەرمەندێن پایەبەرز ل پاریس