شاندەكێ‌ كومەلا سەرمایەدار وبازرگانێن توركیا وعیراق ژلایێ‌ سەروكێ‌ زانكۆیێ‌ ڤە هاتنە پێشوازی كرن

 

ل رێكەفتی 9/12/2019 سەروكێ‌ زانكۆیا دهۆك پرۆفیسۆر دكتۆر مصلح دهۆكی پێشوازی ل شاندەكێ‌ كومەلا سەرمایەدار بازرگانێن تورك وعیراق كر.


كومەلا سەرمایەدار وبازرگانێن تورك وعیراق پێك دهێت ژ هژمارەكا بازرگان وخودان كار یێن وەلاتێ‌ توركیا دگەل كومەكا بازرگانێن عیراقێ‌، درونشتنەكێ‌ دا دگەل سەروكێ‌ زانكۆیا دهۆك مەرەم ژ هاتنا خو دیاركرن كو كونفرانسەكی ئەنجام بدەن ل دور وەبەرهێنانێ‌ دناڤ بەرا كوردستانێ‌ وتوركیا وتایبەت دگەل پارێزگەهێن ئەدانا ومێرسین، ژبۆ هندێ‌ هەر چار پارێزگەهێن هەولێر ودهۆك وئەدانا ومێرسین پرەكا ب هێزا بازرگانیێ‌ پێكڤە گرێ‌ بدەن.


سەروكێ‌ زانكۆیا دهۆك خوشحالیا خو بو دیار كر بەرامبەر سەرەدانا وان هەروەسا جەخت ل سەر پتر ب هێزكرنا پەیوەندیێن كومەلێ‌ دگەل هەرێما كوردستانێ‌ كر، دیسان كاربكەن دگەل وەزیرێ‌ خواندنا بلند یا ولاتێ‌ توركیا و وەزیرێ‌ خواندنا بلند یا هەرێما كوردستانێ‌، ژبو ئەنجام دانا كونفرانسەكێ‌ زانستی ل دەمەكێ‌ نزیك مەرەم ژێ‌ خورتكرنا پیوەندیان دگەل زانكۆیێن توركی و دیسان ئیمزا كرنا رێكەفتنێن ئالوگور كرنا قوتابیان دناڤبەرا زانكۆیێن كوردستانێ‌ وتوركیا دا.