9/12/2019 حەفتەمین پێشانگەها دهۆك یا پەرتوكان یا سالانە ل ناڤەندا قوتابیان دناڤ كەمپێ زانكۆیا دهۆك دا ژ لایێ رێڤەبەریا چاپ و بەلاڤكرنێ ل دهۆكێ ب ئامادەبوونا سەرۆكێ زانكۆیێ د. مصلح دهۆكی و بەهزاد عەلی ئادەم جێگرێ پارێزگارێ دهۆكێ هاتە ڤەكرن.
بورهان یەحیا پەیڤدارێ رێڤەبەریا چاپ وبەلاڤكرنێ گوت" ئەڤە حەفتەمین پێشانگەها دهۆك یا پەرتوكان یا سالانەیە پێشانگەه دێ بو ماوێ 6 روژا یا بەردەوام بیت دڤێ پێشانگەهێ دا 12 پەرتوكخانە دگەل رێڤەبەریا چاپ وبەلاڤكرنێ ل سنورێ پارێزگەها دهۆكێ بەشدارن هندەك ژڤان پەرتوكخانا نوینەرێن پەرتوكخانەیێن هەولێر وسلێمانیێ نە پەرتوك وبابەتێن وان ژی دگەل خو ئیناینە دڤێ پێشانگەهێ دا پتر ژ 6 هزار ناڤ ونیشانێن پەرتوكان بەشدارن داشكاندن 30% هەیە لسەر هەمی پەرتوكان وئەڤ سالە پتر بابەتێن نوی هەنە چونكی پروسا چاپكرنا پەرتوكان خورتر بوویە ژ سالا بوری چ ژلایێ نڤیسەرا چ ژ لایێ كەرتێ تایبەت ڤە دگەل ژێدەرێن زانستی بو قوتابیان هەنە.