ل روژا 21/11/2019 ل زانكویا دهۆكێ دەزگەهێ روانگە و ڕێكخراوا میسوپوتامیا هەڤكاری دگەل زانكۆیا دهۆك رابوون ب رێكخستنا چالاكیا حەفتیا دەستپێشخەری یا كاری یا جیهانی ل باژێرێ دهۆكێ ل هۆلا كونفرانسان زانكۆیا دهۆك كو دبیتە جارا كو سالانە ل مەها 11 بۆ ماوێ حەفتیەكێ دهێتە گێران ل 170 وەلاتێن جودا جودا.
د پەیڤەكێ دا سەرۆكێ زانكۆیا دهۆك د.پ. مصلح دهۆكی لدور حەفتیا دەستپێشخەریا كاری یا جیهانی ل باژێرێ دهۆكێ گوت" دیاكرنا حەفتیەكێ بو كارسازیێ دەستپێشخەریەكا جیهانیە، داكو گەنج لدور كەلتورێ كارسازیێ ئاشنا ببن وشیانێن گەنجێن بەهرەمەند دڤێ روژێ دا بهێنە دیاركرن وكەسێن دیتر ژی چاڤ ل وان بكەن وبزاڤێن خو پێشخستن وداهێنان وبهێزخستنا شیانان بكەن، داكو كەسێن بەهرەدار بن دناڤا جڤاكی دا".
هەروەسا سەرۆكێ زانكویێ دیار كر "زانكۆیا دهۆك هەردەم دەرگەهێ وێ یێ ڤەكریە وپشتەڤانە بو ڤان جۆرە چالاكیان ژبـۆ وێ چەندێ قوتابی و دەرچوویێن مە هزرێن خو وشیانێن خو ژبو خزمەتا مالبات وجڤاك و وەلاتێ خو بێخنە كاری".
عبدول ئەفرام رێڤەبەرێ دەزگەهێ روانگە ئوفیسا دهۆك بو مالپەرێ زانكۆ گوت "ئەڤە ئێك ژبزاڤێن دەزگەهێ روانگە هەڤكاری دگەل زانكۆیا دهۆكێ دگەل ڕێكخراوا میسوپوتامیا دا دهۆك ژی ژ ڤێ بوویەرێ بێ بار نەبیتن چونكی دهۆك رێژا بێ كاریێ ژ هەمی پارێزگەهێن دی پترە".
ئەڤ حەفتیا دەستپێشخەریا كاری یا جیهانی ل 170 وەلاتان دهێتە ئەنجامدان پتر دەستپێشخەریا كاری بو گەنجان بهێتە شروڤەكرن پرەنسیپێن وێ بو بهێنە گوتن