ل رۆژا 2/10/2019 ل هۆلا كۆنفرانسان ل زانكۆیا دهۆك كۆنفرانسەكێ زانستی ژ لایێ كۆلیژا زانستێن ئەندازیاریا چاندنێ ل زانكۆیا دهۆك و هەروەسا كۆلیژا چاندن و دارستانێ ل زانكۆیا میسل و ب هەڤكاری دگەل سەنتەرێ نون یێ ڤەكۆلینێن تایبەتمەند هاتە ئەنجام دان كو دێ بۆ ماوێ دوو رۆژا یێ بەردەوام بیت.
ئەڤ كۆنفرانسە كو ل ژێر ناڤێ رۆلێ ڤەكۆلینێن زانستی و چاندنا بەردەوام ژ بۆ ب دەستڤەئینانا ئێمناهیا خۆراكی بوو 204 ڤەكۆلینێن زانستی دێ تێدا هێنە گەنگەشە كرن كو دابەش دبنە سەر حەفت تەوەرێن سەرەكی ئەو ژی (بەرهەمێ گیانەوەری و زانستێن خۆراكی، رویبروی بوونا هشكاتیێ، شیرەتكاریا چاندنێ و ئابووری، بیستانكاری، دارستان، دەرامەتێن كێلگەی، پاراستنا رووەكی) و ڤەكۆلەرا ژ 46 زانكۆ و پەیمانگەه و سەنتەرێن ڤەكۆلینان پشكداری تێدا كریە.
د رێورەسمێن ڤەكرنێ دا سەرۆكێ زانكۆیا دهۆك پ. د. مصلح دهۆكی د پەیڤەكی دا ئاماژە دا گرنگیا بەستنا ڤان جۆرە كۆنفرانسان كو راستەوخۆ گرێدایی جڤاكی و ئیمناهیا خۆراكی نە، هەروەسا راگرێ كۆلیژا چاندن و دارستانێ یا زانكۆیا میسل پەیڤەك ب ناڤێ لژنا بلند یا كۆنفرانسی پێشكێش كر و دیاركر ژبەر گرنگیا بابەتێ چاندنا بەردەوام ژبۆ پەیداكرنا ئێمناهیا خۆراكی ئەڤ كۆنفرانسە هاتیە ئەنجام دان.