کونفرانسا کوردستان پشتى داعش

سەنتەرێ‌ بێشكچی بۆ ڤەكولینێن مروڤایەتی  دێ‌ كونگرێ‌ خۆ یێ‌ نیڤ دەولەتی یێ‌ ئێكێ‌ گێریت ل روژێن (19-20 كۆلانا 2017)ێ‌ ل باژێرێ‌ دهوكێ‌ ل هەرێما كرودستانا عێراقێ‌، روینشتنێن كونگرەی دێ‌ ل سەر كاروبارێن سیاسی و ئابوری وجیوپولەتیكی و جیوستراتیجی بن ێن كو كارتێكرنێ‌ دكەن ل سەر بویەرێن پاشەروژێ‌ ل كوردستانێ‌، كونگرە دێ‌ هێتە گێران ل زانكویا دهوك ودێ‌ هێتە رێكخستن ژلایێ‌ سەنتەرێ‌ بێشكچی بو ڤەكولینێن مروڤایەتی (BCHS). 

ژئارمانجا سەرەكی یا كونگرەی كومكرنا كەسایەتیێن ئەكادیمی و زانا و بەرپرسێن حكومی و سیاسەتمەدار و چێكەرێن بریاری ل سەر مێزەكا هەڤپشكا گەنگەشەكرنێ‌، كو شارەزای كاروبارێن سیاسی و جوگرافی وجیوپولەتیكی وجیوسیاسی بن، ب مەرەما گەنگەشەكرن ودانوستاندنێ‌ ل سەر كاروبار و بویەرێن ڤێ‌ دوماهیێ‌ ل رۆژهەلاتا ناڤین و ڤەرێژێن وان ل سەر كوردستانێ‌، كونگرە دێ‌ پتر داكوكیێ‌ ل سەر ڤان بابەتا كەت : 

1. جیوپولەتیكا كوردستانێ‌ 

2. ئاریشێن سنورا 

3. كوردستان و ئاڤاكرنا دەولەتێ‌ 

4. ب رێڤەبرن و گەشەپێدانا داهاتان ل كوردستانێ‌ 

5. كوردستان و گاز 

6. سیاسەتێن كوردا 

7. پەیوەندی دناڤبەرا لایەنێن وكوری دا 

8. پەیوەندی دناڤبەرا لایەنێن كوردی وهەرێمی دا 

9. ناسناما كوردی و هەڤركیێن پاشەرۆژێ‌  

10. جڤاكێ‌ كوردی 

11. رولێ‌ راگەهاندنێ‌ دسیاسەتێن كوردی دا 

12. كەسایەتیا نەتەوەی یا كوردی

13. زمان وەك هێمایێ‌ ناسنامێ‌

ژئارمانجێن دیتر ێن كونگرەی دیاركرنا بیرو بوچونێن راستەقینە، وبەرژەوەندی و مەترسی ل دۆر دەست ودار و پاشەروژا كوردا دناڤ ململانا گەرما نوكە دروژهەلاتا ناڤیندا، ب وێ‌ هیڤیێ‌ كو بچینە دناڤ دانوستاندنێن زانستی  كو گرێدای پسپوریێن جودا جودا بن، ب ئارمانجا زێدەكرنا هندەك پێزانینێن بها ل دۆر تێگەهەشتنا مە بو كاودانێ‌ سیاسی یێ‌ كوردا دنوكە و پاشەروژێ‌ دا لدۆیڤ وێنێ‌ سیاسیێ‌ نوكە دەڤەر تێدا دبوریت كو توشی گهورینێن مەزن بویە ودبیت دپاشەروژێدا گهورینێن مەزنتر بسەردا بهێن.