زانكۆیا دهۆك رێككەفتنەك ل گەل ئەنستتیوتا ئەندازیارێن كارەبێ و ئەلكترونیکێ واژووکر

ل رۆژا چوارشەمبی رێکەفتی 12/6/2019 ل سەرۆكاتیا زانكۆیا دهوك رێككەفتنەك ل ناڤبەرا زانكۆیا دهۆك و ئەنستتیوتا ئەندازیارێن كارەبێ و ئەلكترونیکێ (IEEE) هاتە واژوو كرن، كو ژ زانكۆیا دهۆك د. لقمان هادی حسن هاریكارێ سەرۆكێ زانكۆیێ بۆ كاروبارێن زانستی و خواندنا بلند و هەروەسا ژ (IEEE) د. عبدالستار بدر سدخان نوێنەرێ تایێ عیراقێ ئەڤ رێككەفتنە واژوو كرن.
د. لقمان هادی حسن دیاركر كو ل دویف ڤێ رێككەفتنێ ل سالا بهێت 2020 زانكۆیا دهۆك ل گەل ئەنستتیوتا ئەندازیارێن كارەب و ئەلكترونیكێ (IEEE) دێ كۆنفرانسەكێ نێڤدەولەتی ل كۆلیژا زانست ل دۆر ڤەکولینێن زانستی یێن گرێدایی ب كومپیوتەری و کارەبێ وهەر ڤەکولینەکا زانستی یا ئامیرێن پیڤانێ یێن كارەبێ و کومپیوتەری بکاردئینن.
هاریكارێ سەرۆكێ زانكۆیێ بۆ كاروبارێن زانستی و خواندنا بلند هەروەسا دیاركر كو ئەڤە وەكو دەستكەفتەكێ یە بۆ زانكۆیا دهۆك ژبەر (IEEE) ئەنستتیوتەكا جیهانی یا باوەرپێكریە و ئەو كۆنفرانسێن ئەو سەرپەرشتی یان سپۆنسەریێ وان دكەت دهێنە هەژمارتن وەكو كۆنفرانسێن جیهانی و دێ شارەزایەك باش ژی بۆ ستافێ زانكۆیا دهۆك پەیدا بیت ل ژێر سەرپەرشتیا وان، هەرووسا ئاماژە کر كو بەردەوام كۆمبوون دێ هێنە ئەنجامدان داكو كۆنفرانسەكێ سەركەفتی بهێتە گرێدان و ئەڤە ئێكەم كارە زانكۆیا دهۆك دگەل ڤێ ئەنستتیوتێ ئەنجام ددەت.