د. گونەش موراد ژ پشكا زانستێن رامیارێ یا زانكۆیا سەنترال فلوریدا ل رۆژا 7/2/2016 سەرەدانا زانكۆیا دهۆك كر، و ژلایێ سەرۆكێ زانكۆیا دهۆك پرۆفیسۆر د. مصلح دهۆكی پێشوازی لێ هاتە كرن.
د كۆمبوونەكێ دا ب ئامادەبوونا رێڤەبەرا پەیوەندییان ل زانكۆیا دهۆك د.رەند حمودی بەحسێ پەیوەندیێن هەڤپشك د ناڤبەرا هەردوولا دا و چاوانیا مفا وەرگرتن ژ ڤان پەیوەندیان وەكو پێكگوهارتنا مامۆستا و قوتابیان بۆ راهێنانێ ل وێ زانكۆیێ هاتە كرن.
د. گونەش موراد رێڤەبەرێ سەنتەرێ جەلال تەلەبانی یێ خواندنێن سیاسەتا كوردی ل زانكۆیا سێنترال فلوریدا گوت"مە دڤێت تێكهەلیا ئەكادیمی دگەل زانكۆیا دهۆك خورت بكەین و ڤەكولینێن هەڤپشك ل گەل بكەین بتایبەت د بوارین ڤەكولینێن سیاسی دا"
هەروەسا ل دمژمێر پێنجێ ئێڤاری ل سەنتەرێ رەوشەنبیری یی زانكۆیا دهۆك د. گونەش موراد سمینارەك ل دور سیاسەتا ئەرمریكا ل روژهەلاتا ناڤەراست و كاودانێن دەڤەرێ و ململانا سیاسی یا دناڤەبەرا روسیا و ئەمریكا ل دڤەری و كاریگەریا وێ لسەر رەوشا كوردستانێ بۆ ماموستا وجڤاتا زانكۆیا پێشكێش كر.