مامۆستایێن بەرێز
قوتابیێن خۆشتڤی
فەرمانبەرێن ماندوی نەنیاس
ب هەلكەفتا هاتنا سالا نوی یا خواندنێ (2018-2019) پیرۆزباهیێن گەرم ل هەوەیێن هێژا دكەم، ب هیڤیا وێ چەندێ سالانوی یا خواندنێ سالا دەستكەفتێن زانستی و پێشڤەچوون و پێشكەفتنێ و بلند كرنا ئاستێ زاستی و خواندنێ بیت ل زانكۆیا دهۆك و گشت زانكۆیێن كوردستانێ.
هیڤیا مە ئەوە سالا نوی یا خواندنێ بۆ قوتابی و مامۆستا و فەرمانبەرێن زانكۆیا دهۆك سالەكا باشتر بیت و پری سەركەفتنێن زانستی بیت و چرایێ گەشێ زانینێ گەشتر لێ بهێت، چونكو ئایندەكێ گەش یێ ل پێشیا مە و دڤێت سال بۆ سالێ پێنگاڤان بەرەف پێش بهاڤێژین داكو بشێین ب زانست و زانینێ خزمەتا گەل و وەلاتێ خۆ و ئاخا پیرۆزا كوردستانێ بكەین.
هەر ب هەلكەفتا هاتنا سالا نوی یا خواندنێ سۆپاسیا ئێك ئێكە هەوەیێن بەرێز دكەم هەر ژ مامۆستا و قوتابی و فەرمانبەرێن زانكۆیا دهۆك كو ل هەمی رەوش و كاودانان ب گەرم و گوری درێژی ب كارونێ خواندن و زانست و زانینێ دایە و رێ نەدایە بۆ ئێك رۆژ ژی پرۆسا خواندنێ زانكۆیا دهۆك بهێتە راوەستاندن، ئەڤە ژی جهێ شانازیێ یە بۆ مە، پشت راستین و مە باوەریا هەی هەر ب وێ گەرماتیا سالێن بۆری و هێژ پتر دێ سالا نوی یا خواندنێ دەست پێ كەین و پێشوازیێ ل تەخەكا نوی یا گەنجێن ڤی وەلاتی كەین ئەوێن زانكۆیا دهۆك هەلبژارتین و بەردەوامیێ ل ڤێرێ ب خواندنا خۆ بدەن.
دووبارە سالا نوی یا خواندنێ 2018-2019 ل هەوە هەمیان پیرۆز بیت
پ. د. مصلح دهۆكی
سەرۆكێ زانكۆیا دهۆك
1/10/2018