ل زانكۆیا دهۆك كۆرەكێ نێڤدەولەتی ل ژێر ناڤێ (دیتنەكا نوی بۆ ساخلەمیا كوردستانێ 2030) ل هۆلا كۆنفرانسان ل رۆژا 6/10/2019 ب پشكداریا چەند بسپورێن كورد و بیانی هاتە گێران.
سەرۆكێ زانكۆیا دهۆك پ. د. مصلح دهۆكی د پەیڤەكی دا ئاماژە دا سەر پێشخستنا بیاڤێ ساخلەمیێ و بەرسینگ گرتنا نەخۆشیان ئەوێ چەندێ ژی پێدڤی ب دارشتنا شێوازەكێ ساخلەمێ ژیانێ و ژینگەهەكا ساخلەمە.
د. ئالان دیلانی دامەزرێنەرێ ئەكادیمیا نێڤدەولەتی بۆ دیزاین و ساخلەمیێ كو رێكخەرێ ڤی كوری بوو دگەل زانكۆیا دهۆك دیاركر كو ئارمانجا وان یا سەرەكی پێشخستنا رەوشا ساخلەمیێ و سیستەمێ ساخلەمیێ یە ل كوردستانێ د 10 سالێن بهێت دا، گۆت ژی شێوازێ ژیانا ساخلەم دبیتە ئەگەر نەخوشیا ژ مرۆڤی كێم بكەت.