کچێن زانکویا دهوک بونە قارەمان


هەلبژارتیێ زانکویا دهوک ب ناسناڤێ قارەمانیا فوتسالا زانکو پەیمانگەهێن هەرێما کوردستانێ هاتنە خەلاتکرن پشتى سەرکەفتنەکا مەزن سەرهەلبژارتیێ سلاح الدین تومارکرى ب (چارگولا بەرامبەر گولەکێ) ل هولا گرتیا کولیژا پەروەردا وەرزشییا زانکویا دهوک .
ئەڤە ل ژێر چاڤدیریا (پ.د.مصلح دهوکى) سەروکێ زانکویا دهوک ب ئامادەبونا (د.میڤان عارف) هاریکارێ سەروکێ زانکویا دهوک و (پ.د.احمد قاسم) راگرێ کولیژا پەروەردا وەرزشى و جەماوەرەکێ زور ژقوتابى وماموستاین زانکویا دهوک رێ و رەسمیێن یاریا دوماهیێ برێڤە چوون ..
دڤێ یاریێ دا ئاستەکێ جوانێ یاریا فوتسالێ ژلایێ هەردووتیمێن وەرزشى هاتە پیشاندان بونە جهێ دلخوشیا ئامادەبویان. 
ل نیڤا ئێکێ دا هەلبژارتیێ زانکویا دهوک یا پیێشکەفتى ب دووگولا دنیڤا دووێ دا ئاستێ یاریێ ب هیزتر وخوشتر لێ هات هەڤرکى بو دەست ڤە ئینانا ناسناڤێ قارەمانیێ خورت ترلێ هات ب تایبەتى دەمێ هەلبژارتیێ سەلاحەدین گولا ئێکێ بوتیما خوتومارکرى لێ دپینج خولەکێن دوماهیێ ژیاریێ کچێن هەلبژارتیێ زانکویا دهوک بەرامبەرى هیڤێن زانکویا صلاح الدین راوەستیان دەمێ دوو گول ل دیڤ ئێک تومارکرین و ب ناسناڤێ قارەمانیێ هاتنە خەلاتکرن.
گولێن زانکویا دهوک ژلایێ هەرئێک ژ( سیپەل )دووگول و( لیندا) و(رونى) هەرئێک ژوان گولەک بو زانکویا دهوک تومارکرن. 
ل دوماهیێ دیارى وخەلات ژلایێ چاڤدیرێ قارەمانیێ (پ.د.مصلح دهوکى) سەروکێ زانکویا دهوک و(د.میڤان عارف) هاریکارێ سەروکێ زانکویا دهوک و (پ.د.احمد قاسم) راگرێ کولیژا پەروەردا وەرزشى و(د.حسین سعداللە)راگرێ کولیژا پەروەردا وەرزشییا زانکویا سلاح الدین وبەرپرسیێن حزبى , ل سەریاریزان وسەرکەفتیێن قارەمانیێ هاتنە بەلاڤکرن پاشى دیارى ل سەر لیژنا ب رێڤەبرنا قارەمانیێ و دادڤان ودەزگەهێن راگەهاندنێ هاتنەبەلاڤکرن د هەمان رێ ورەسمدا باشترین یاریزان وگولکارا قارەمانیێ وباشترین گولچى هاتنە خەلاتکرن 
باشترین یاریزان (سیپەل)یاریزانا هەلبژارتیێ زانکویا دهوک
باشترین گولچى (خەلات) یاریزانا هەلبژارتیێ زانکویا دهوک
گولکارا قارەمانیێ یاریزانا زانکویا سلاح الدین ب 10گولا 
کاسێن هەرسێ سەرکەفتیێت قارەمانیێ ژلایێ سەروکێ زانکویا دهوک ل سەر زانکویا هەلەبچە وەک خودانا ریزا سیێ و زانکویا سلاح الدین خودانا رێزا دووێ وقارەمانا ریزا ئێکێ زانکویا دهوک هاتنە بەلاڤکرن