د رێورەسمێن پازدەمین كونفرانسێ نیڤ دەولەتی یێ ئێكەتیا زانكۆیێن جیهانی ئەوێ هاتیە گێران ل 13 تاكو 16/11/2016 ل بانكوك-تایلاند, سەروكێ زانكۆیا دهوك د. مصلح محمد سعید دهوكی هاتە هەلبژارتن ئێك ژ ئەندامێن ئێكەتیا زانكۆیێن جیهانی وەك نوینەرێ زانكویێن ئاسیا و روژهەلاتا ناڤین, ئەف چەندە هاتە ئەنجامدان پشتی هەڤركیەكا بهێز دناڤبەرا سەروكێن چەندین زانكۆیێن جیهانی دا.
هەلبژارتنا سەروكێ زانكۆیێ خالەكا گرنگە بۆ زانكۆیێ و هەروەسا بۆ پتر بەلاڤبونا ناڤ و دەنگێن زانكۆیێ, و هەروەسا دەلیڤەكا باشە بو زانكۆیێ ژبو نوینەراتیا چەندین زانكۆیا ل ئێكەتیا زانكۆیێن جیهانی دا.
یا هەرە گرنگ ئەوە كو ئێكەتیا زانكۆیێن جیهانی یا گرێدایە ب یونسكو ڤە ئەوا دكەڤیتە ُپاریس-فرنسا. كارێ ئێكەتیا زانكۆیێن جیهانی ئاڤەدانكرنا جڤاكەكێ پێشكەفتی یێ خاندنا بلند ئەوژی ب گێرانا دیدارێن زانستی و پێشكێشكرنا چەندین خزمەتێن جوراوجورێن زانستی بۆ سەركردێن خاندنا بلند یێن كۆ بیرورا و هزرێن زانستی یێن هەفپشك هەین و حەزا ئالوگوریێ هەی دگەل ناڤەندێن جیهانی.
هەردیسان سەروکێ زانکویێ و دچارچوڤێ کونفرانسی دا چاڤپێکەفتن د گەل چوار زانکویێن جیهانیدا کر وتێدا باسێ بهێزکرنا پەیوەندیان دناڤبەرا هەردوو لایەنا دا.