ڕۆژی سێشەممە 3ـی 5ـی 2016 لە سەلاحەدین بەڕێز مەسعود بارزانی سەرۆكی هەرێمی كوردستان پێشوازی لە پڕۆفیسۆر زولكەفل عەبدولڕەزاق سەرۆكی یەكێتیی زانكۆكانی جیهان كرد كە دامەزراوەیەكی جیهانیی سەر بە ڕێكخراوی یونسكۆیە و سەد و بیست وڵات تێیدا ئەندامن، ولەسەروکى زانکویا دهوک دکتور مصلح دهوکى سەروکى زانکویا دهوک.
لە دیدارەكەدا سەرۆكی یەكێتیی زانكۆكانی جیهان خۆشحاڵیی خۆی دەربڕی بۆ سەردانی بۆ كوردستان و دیداری لەگەڵ سەرۆك بارزانی و هەروەها ستاییشی پێشكەوتن و سەقامگیریی هەرێمی كوردستان كرد و دەستخۆشیشی لە سەرۆك بارزانی كرد بۆ دابینكردنی سەقامگیری بۆ خەڵكی كوردستان سەرباری بوونی شەڕ و تەحەدیاتی بەردەم هەرێمی كوردستان. لە بەشێكی دیكەی وتەكانیدا سەرۆكی یەكێتیی زانكۆكانی جیهان، سەرۆك بارزانیی لە هەنگاو و چالاكییەكانی یەكێتییەكەی ئاگادار كردووە و ڕایگەیاند كە یەكێتی زانكۆكانی جیهان پاڵپشتی خەڵكی كوردستانە و بڕیاریشە هەرێمی كوردستان ببێتە ئەندامێكی ئەو یەكێتییە.
لەبەرانبەردا سەرۆك بارزانی بەخێرهاتنی سەرۆكی یەكێتیی زانكۆكانی جیهانی كرد و دەستخۆشی و پێزانینی هەبوو بۆ كار و چالاكییەكانی و هەروەها پێشوازی لە بڕیاری بە ئەندامبوونی هەرێمی كوردستان لە یەكێتیی زانكۆكانی جیهان كرد و، هیوای سەركەوتنی بۆ خواستن.