ب بەرهەڤبوونا سەرۆكێ زانكۆیا دهۆك و چڤاتا زانكۆیێ و مامۆستا و قۆتابیێن زانكۆیێ رۆژا ئالایێ كوردستانێ ل كەمپا زانكۆیا دهۆك هاتە ساخكرن.
سەرۆكێ زانكۆیا دهۆك، پ.د. مسلح محەمەد سەعید دهۆكی گۆت: ل 17/ 12 رۆژا ئالایێ كوردستانێ یە، لەوا هەر سال ئەڤ رۆژە ب گرنكی و پیرۆزی دئێتە گێران ئەو ژی ب بلندكرنا ئالایێ كوردستانێ و ب گێرانا ئاهەنگێن نەتەوەیی.
مللەتێ كورد ب سەداهان سالایە خۆین بۆ پاراستنا پیرۆزیێن خو رووشتی و ئەڤ ئالایە ئێك ژ وان پیرۆزیایە، كۆ نوكە ئەڤرۆكە دناڤا ئالایێن جیهانێدا یێ بلندە وەك پ.د. مسلح محەمەد سەعید دهۆكی گۆتی.
سەرۆكێ زانكۆیا دهۆك گۆت ژی: رێزگرتن لڤی رۆژێ، رێزگرتن ل دیرۆك و شارستانیەتا مللەتێ كورد و كوردستانێ.
ه. سەرۆكێ زانكۆیا دهۆك بۆ كارۆبارێن قۆتابیان، د. مێڤان عارف بادی گۆت: رۆژا ئالایێ كوردستانێ بیرئینانە ل دەستكەفتنێن مللەتێ كورد، كۆ ئەڤ ئالایە نوونەراتیا هەمی مللەتێ كورد دكەت دناڤ ئالایێن جیهانێدا.
ئەڤ ئالایە ژ لایێ مامۆستا و قۆتابێن زانكۆیا دهۆك هاتە بلندكرن وەك د. مێڤان عارف بادی گۆتی: ئەم ژی پیرۆباهیێن خو ل هەمی خەلكێ كوردستانێ دكەین و ئەڤ ئالایە دێ هەرێ بلند بیت ب خوینا شەهیدان و ب ئازاتیا پێشمەرگەیێ قەهرەمان.
نوونەرێ قۆتابیان ل زانكۆیا دهۆك، شێروان ئەحمەد گۆت: ئەڤ ئالایە ئەوە یێ سەرۆكێ كۆمارا مهاباد قازی محەمەد رادەستی مەلا مستەفایێ بارزانی كری ژبۆ بەردەوامیدان ب شۆرەشا كوردی.
راگەهاندنا زانكۆیا دهۆك: هەلز عەلی سەلیم