ل زانكۆیا دهۆك رۆژا ئالایێ‌ كوردستانێ‌ هاتە ساخكرن

 

ل رۆژا 17/12/2019 كو دبیتە رۆژا ئالایێ‌ كوردستانێ‌ ل هەمی كۆلیژێن زانكۆیا دهۆك رێورەسم ب ڤێ‌ هەلكەفتێ‌ هاتنە ئەنجام دان و ئاهەنگ بۆ قوتابیان هاتنە سازكرن و ئالا هاتنە بلند كرن، ل ناڤەندا قوتابیان ژی ب ئامادەبوونا هاریكارێن سەرۆكێ‌ زانكۆیێ‌ و راگرێن كولیژا و فەرمانبەر و قوتابیێن زانكۆیێ‌ ژمارەكا چالاكیان ب ڤێ‌ هەلكەفتێ‌ هانە ئەنجام دان، ژوان ڤەگرنا پێشانگەها تابلویێن قوناغێن ئالایێ‌ كوردستانێ‌ و پێشانگەها وێنێن فوتوگرافی یێن نشتمانی و كونسێرتێ‌ سترانیێن نشتمانی یێ‌ گروپێ‌ مۆزیكێ‌ یی زانكۆیێ‌.


هاریكارێ‌ سەرۆكێ‌ زانكۆیا دهۆك بو كاروبارێن كارگێری د. ئەحمەد محەمەد د پەیڤەكی دا گۆت "ساخكرنا رۆژا ئالایێ كوردستانێ بیرئانینە ل پیرۆزیێن نەتەوەی و نشتیمان پەروەریێ‌ و بەرگریا ژ وەلاتی دهێتە كرن، چونكو ئالایێ كوردستانێ سمبۆلا بەرخودان و خەباتا مللەتێ كوردە، نیشانا هەڤگرتن و ناسناما مللەتێ مەیە، هەروەسا ساخكرنا ڤێ‌ رۆژێ‌ ژی رێزگرتنە بۆ خوینا وان شەهیدێن ل بن سیبەرا ڤی ئالایێ پیرۆز شەهید بووین و رحا خۆ كرینە قوربانی بۆ ئاخا وەلاتێ‌ خۆ و نەهێلاین دەستێن چەپەل دەست درێژیێ‌ بكەنە سەر ئاخا وەلاتی".