كۆمه‌ڵا كوردستان یا قۆتابیێن ده‌رمانساز (KPSA) ئێكه‌مین ڤیسته‌ڤالا خۆ سه‌ركه‌فتیانه ئه‌نجام دا ، ل ژێر ناڤێ '' چاڤه‌ك لسه‌ر ساخله‌میا زانكۆییێ '' ل رۆژا دووشه‌مبی رێكه‌فتی 18/12 ل ناڤه‌ندا قۆتابیان ل زانكۆییێ.
ڤیسته‌ڤاڵه‌كا هشیاری بوو ، ژ بۆ چاوانیا ب كارئینانا ده‌رمانا و خۆ پاراستن ژ هنده‌ك نه‌خۆشیێت به‌ربه‌ڵاڤ دناڤ كۆمه‌لگه‌ها مه‌دا ، و راسته‌ڤه‌كرنا هنده‌ك پێزانینێت
ته‌ندروستی.
هه‌روه‌سا هنده‌ك پشكنینێت پزیشكی هاته ئه‌نجام دان دگه‌ل ئامۆژگاریێت پزیشكی.
پتری 1000 قۆتابیێن زانكۆیێ ئاماده‌بون ل ڤیسته‌ڤالێ و پشكنین بۆ وان هاتنه ئه‌نجام دان و دگه‌ل ئامۆژگاریێت ته‌دروستی.
ڤیسته‌ڤال ژ ڤان به‌شا پێكدهات :
١-به‌شێ نه‌خۆشیا شه‌كرێ : پتری 250 پشكنینا هاته ئه‌نجامدان.
٢-به‌شێ په‌ستانا خینێ و جۆرێ خینێ : نێزیكی 150 پشكنینا هاته ئه‌نجامدان.
٣-به‌شێ ساخله‌میا سیها : كۆ پتری 200 پشكنین هاتینه ئه‌نجامدان دگه‌ل ئامۆژگاریا.
٤-به‌شێ جوانكاری : نێزیكی 150 قۆتابیا سه‌ره‌دانا ئه‌ڤی به‌شی كریه.
٥-به‌شێ نه‌خۆشیێت وه‌رزی : هنده‌ك پێزانینێت گشتی ل سه‌ر په‌رسیڤی و هنده‌ك نه‌خۆشیێت دی هاتنه گۆتن بۆ نێزیكی 100 قۆتابیا.
٦-به‌شێ (BMI) : پشكنینا (BMI) بۆ پتری 150 قۆتابیا هاته ئه‌نجامدان.
كه‌ناڵێت (Rudaw) و (Kurdistan24) و (Waar Tv) و (Kurdistan Tv) ئاماده‌بون ل جهێ ڤیسته‌ڤالێ ، و هه‌روه‌سا رێوره‌سمێت ڤیسته‌ڤاڵێ بشێوه‌یكی زیندی بۆ خه‌لكێ كۆردستانێ و هه‌هی جیهانێ په‌خش كر.