قونسلێ گشتی یێ هولەندا ل هەرێما كوردستانێ John Vand der Zanda ل رۆژا 20/1/2016 سەرەدانەكا فەرمی بۆ زانكۆیا دهۆك و كەمپا زانكویێ ئەنجام دا و هەڤدیتن ل گەل چەند قوتابی و مامۆستایان كر بۆ رێكخستنا پەیوەندیان و خواندنێ ل هولەندا.
ل سەرۆكاتیا زانكۆیا دهۆك سەرۆكێ زانكۆیێ پرۆفیسۆر د. مسلح دهۆكی پێشوازی ل قونسلێ هولەندی كر و د هەڤدیتنەكێ دا بەحسێ رەوشا خواندنێ و دەرفەتێن موكومكرنا پەیوەندیان دگەل زانكۆیێن هولەندی و ب تایبەت پرۆگرامێن (ئیراسموس موندوس) و هەروەسا بەرهەڤیا زانكویێ بۆ پتر مفا وەرگرتن ژ دەرفەتێن زانستی ل زانكۆ و پەیمانگەهێن پێشكەفتی ل هولەندا دیاركر.
دیسا قونسلێ هولەندا سەرەدانا كۆلیژا پزیشكی كر و هەر ل كەمپێ زانكۆیێ سەرەدانا ناڤەندا قوتابیان كر و گەریانەك ل ناڤ ئاڤاهیێ ناڤەندێ دا كر، و ژ نێزیك ل دۆر ئەو كارێ ل ناڤەندێ بۆ قوتابیان دهێتە كرن ئاگەهدار بوو.