ئەڤرو 28/2/2016 شاندەكێ زانكۆیا ئولندبورگ ژ وەلاتێ ئەلمانیا سەرەدانا زانكۆیا دهۆك كر، و ژلایێ سەرۆكێ زانكۆیێ ڤە پرۆفیسۆر د. مصلح دهۆكی پێشوازی لێ هاتە كرن.
د رونشتنەكێ دا پرۆفیسۆرە مونیكا ئورتمان سەرۆكا پشكا پەروەردا تایبەت ل زانكۆیا ئولندبورگ دگەل پرۆفیسۆر د. مصلح دهۆكی بەحسی بەردەوامی دانا و پیشخستنا پروگورامێ هەڤپشكێ پشكا پەروەردا تایبەت یێ زانكۆیا ناڤبری دگەل زانكۆیا دهۆك كر.
د.ئالان جمیل راگرێ كولیژا پەروەردا بنیات ل دور مەرەما سەرەدانا شاندێ زانكۆیا ئولندبورگ دیاركر" ئەڤ سەردانە بەردوام دهێنە ئەنجام دان بو پێشڤەبرنا شیانێن ماموستا و قوتابیێن خواندنا بلند و وانەیێن پشكا پەروەردا تایبەت ل زانكۆیا دهۆك، هەروەسا بو راهینانا قوتابیێن بشكا ناڤبری كو سالانە ژمارەكا قوتابیان دچنە زانكۆیا ئولندبورگ كو ل بەرە ئەڤ سالەژی ل هەیڤا تیرمەهێ ژمارەكا قوتابیان پچن زانكۆیا ناڤبری".
هەروەسا راگرێ كولیژا پەروەردا بنیات گوت"ل بەرە ل هەیڤا نیسانا بێت كونفرانسەك ل دور پەروەردا تایبەت ل وەلاتێ توركیا بیتە ئەنجام دان زانكۆیا دهۆك و زانكۆیا ئولندبورگ بشكداریێ تێدا بكەن".
دهێتە زانین پشكا پەروەردا تایبەت ل زانكۆیا دهۆك ئێكەم پشكە ل كوردستانێ و عیراقێ بو خودان پێداوستیێن تایبەت ب هەڤكاری دگەل زانكۆیا ئولندبورگ هاتیە دامزراندن.