شاندەكێ رێكخراوا (GIZ) یا ئەلمانی سەرەدانا زانكۆیا دهۆك دان و چەند دیدار ل گەل قوتابیان ئەنجام دان هەروەسا ل گەل سەرۆكێ زانكۆیا دهۆك پرۆفسسۆر د. مسلح دهۆكی كۆمبوونەك ئەنجام دا، هەروەسا ل گەل قوتابی و مامۆستایێن كۆلیژا یاسا و زانستێن سیاسی بەحسێ رێكێن پێشخستنا پەیوەندیێن دولایەنی كرن هەروەسا بەحسێ وان بەرنامان ژی كرن یێن زانكۆیێ ل دۆر ئاوارە و پەنابەران ئەنجام داین.
شاندەكێ رێكخراوا (GIZ) یا ئەلمانی كو یێ پێكهاتی بوو ژ (Hagen Bernadt و Andreas Auer) چەند پێشنیار و میكانزمێن كاری و هەڤكاریێ ل گەل زانكۆیا دهۆك بەحس كرن و ل دۆر وان چالاكیان ئاگەهدار بوون یێن زانكۆیێ بۆ ئاواران ئەنجام داین.
سەرەدانا شاندێ ڤێ رێكخراوا ئەلمانی یا حكومی كو ل رۆژا 21 ێ كانوونا دووێ بوو بۆ زانكۆیا دهۆك د چارچووڤێ وان بزاڤان دا بوو یێن ئەو رێكخراو ئەنجام ددەت بۆ بجهئینانا هندەك پرۆژان و پێشكێش كرنا خزمەتێن ساخلەمی و دەروونی و شیرەتان بۆ خیڤەتگەهێن ئاواران ل دهۆك و ڤەكۆلینا میكانزمێن هەماهەنگیێ ل گەل زانكۆیا دهۆك بۆ بجهئینانا پرۆژێن وان ل ئایندەی.