ل رۆژا 4/12/2018 قونسلێ گشتی یێ ئەمریكی ل هەرێما كوردستانێ (Steven Fagin) سەرەدانا زانكۆیا دهۆك كر و سەنتەرێ رەوشەنبیری و جڤاكی یێ زانكۆیێ ژ لایێ سەرۆكێ زانكۆیا دهۆك ڤە پ. د. مصلح دهۆكی پێشوازی لێ هاتە كرن.
د روینشتنەكی دا سەرۆكێ زانكۆیا دهۆك كورتیەك دا سەر زانكۆیا دهۆك و بەحسێ مێژوویا زانكۆیێ كر، هەروەسا ئەو بەرنامێن پێشتر زانكۆیا دهۆك دگەل قونسلخانا ئەمریكی ل هەرێما كوردستانێ ئەنجام داین و ئەو مفایێن زانكۆیێ ژ ڤان بەرنامان كرین بەحس كرن و داخاز ژ قونسلی كر ئەڤ بەرنامە جارەكا دی بهێنە ئەكتیڤ كرن ب تایبەت بەرنامێ پێكگوهورینان دگەل زانكۆیا میشیگن یا ئەمریكی، ژلایێ خۆڤە قونسلی بەرهەڤیا خۆ دیاركر كو دیفچوونا ڤی بابەتی بكەت بۆ جارەكا دی ئەكتیڤ كرنا ڤی بەرنامەی.
هەروەسا سەرۆكێ زانكۆیا دهۆك داخاز ژ قونسلی كر ئاسانكاریان بكەن بۆ پەیداكرنا ڤیزێ بۆ قوتابیێن زانكۆیا دهۆك ئەوێن حەزا خاندنێ ل وی وەلاتی هەین و قونسلی سوز دا دیفچوونا ڤی بابەتی بكەت بۆ ئاسانكرنا ڤیزێ.
سەرۆكێ زانكۆیا دهۆك لوگویێ زانكۆیێ پێشكێشی قونسلی كر و قونسلی ژی پەرتوكەك پێشكێشی سەرۆكێ زانكۆیا دهۆك كر.
هەروەسا قونسلێ گشتی یێ ئەمریكی ل هەرێما كوردستانێ دگەل دا سەرۆكێ زانكۆیا دهۆك سەرەدانا گۆشا ئەمریكی ل زانكۆیا دهۆك كر و ژ نێزیك سەحكرە كارێ وان و ل گەل خۆبەخشێن ل ڤێ گۆشێ كار دكەن بەحسێ كارێ وان یێ خۆبەخشیێ كر و دەست خۆشی ل كارێ وان كر.