ل سەر داخازیا رێكخراوا IREX یا ئەمریكی و ب پالپشتیا بالیوزخانا ئەمریكی ل بەغدا، (ماموستا / شڤان خلیل حسن ) رێڤەبەرێ سەنتەرێ گەشەپێدانا كاری ل زانكویا دهوك بەشداربو د كونفرانسێ نیڤدەولەتی دا ل بەغدا ل ژێر ناڤ و نیشان (كونفرانسێ ئێكێ یێ گەشەپێدانا هێزا كاری) .
مەرەم ژ ڤی كونفرانسی ئەو بو گەنگەشەكرنا شیانێن كاركرنێ یێن قوتابی و دەرچویێن زانكویان ئەوێن پێتڤی ل بازارێ كاری و چاوانیا دارشتنا وان شیانان دناف سیستەمێ خاندنێ دا ، خورتكرنا پەیوەندیان دناڤبەرا كەرتێ تایبەت و زانكویێن حكومی .
هەژی گوتنێ یە كو ژمارەكا زور یا دام دەزگەهێن حكومی و ئەهلی بەشداری دڤی كونفرانسی دا كربو وەك ( نینەرێن بالیوزخانا ئەمریكی ، رێكخراوا IREX ، سەروك و نینەرێن زانكویێن حكومی ل ئیراقێ ، سەنتەرێن گەشەپێدانا كاری ، كومپانیێن كەرتێ تایبەت ، زێدەباری چەندین راهێنەر و شارەزایێن نیڤدەولەتی) .