دكتۆر نسیر عبدالسلام عبدالرحمن مامۆستایێ‌ كۆلیژا پزیشكی ل زانكۆیا دهۆك ژ لایێ‌ زانكۆیا شاهانە یا تایبەت ب زانستێن نەخۆشیان(the royal college of pathologists) یا بریتانی باوەرناما فەخری پێ‌ دهێتە دان، زانكۆیا دهۆك ژی سۆپاسیا وی كرن ژ بۆ رۆلێ‌ وی و پێشكێش كرنا ڤەكۆلینێن زانستی.
دكتۆر نسیر گۆت "ئەز هاتمە خەلاتكرن ب باوەرنامەكا فەخری ل زانكۆیا شاهانە یا بریتانی یا تایبەت ب زانستێن نەخۆشیان ڤە، ئەم گرۆپەكێ‌ نوژداران ل سەر ئاستێ‌ هەرێما كوردستانێ‌ مە ڤەكۆلینەكا پێشكەفتی پێشكێش كر ل ڤێ‌ زانكۆیێ‌، ب چاڤەكێ‌ مەزن سەرەدەریەكا جوان دگەل ڤێ‌ ڤەكۆلینا مە هاتە كرن, ژ بەر ڤێ‌ ئێكێ‌ ئەز هاتمە خەلاتكرن وەكو ڤەكۆلەر و هەروەسا ژ پێش زانكۆیا دهۆك ڤە، بۆچوونا وان ئەوبوو كو زانكۆیا دهۆك بەرەف پێشچوونەكا باش د ئاستێ‌ زانستی دا هەیە.
دكتۆری گۆت ژی "د ڤان 10 سالێن بۆری دا ئەم وەكو كادرێ‌ زانكۆیا دهۆك یێ‌ زانستی مە كارەكێ‌ باش كریە د بیاڤێ‌ زانستی دا تا رادەكێ‌ باش شین تبلێن مە دیارن ل سەر ڤێ‌ چەندێ‌ و بەرەف پێش چوونین باش مە دەست خۆڤە ئینایە.
ژ بەر وی كارێ‌ زانستی یێ‌ دكتۆر نسیر عبدالسلام مامۆستایێ‌ زانكۆیا دهۆك و دەست ڤە ئینانا وێ‌ باوەرنامێ‌ ل زانكۆیا شاهانە یا بریتانی، سەرۆكێ‌ زانكۆیا دهۆك پرۆفیسور دكتۆر مسلح دهۆكی ل رۆژا 28/11/2017 ب ناڤێ‌ سەرۆكاتیا زانكۆیا دهۆك و جڤاتا زانكۆیێ‌ سۆپاسیا دكتۆر نەسیری هاتە كرن و داخازا سەركەفتنێ‌ بۆ وی خاست و دیسا سوز دایێ‌ كو زانكۆ ل دیف شیانێن خۆ هاریكاریا وی بكەت د بیاڤێ‌ ڤەكۆلینێن زانستی دا.