ل زانكۆیا دهۆك كوربەندەك هاتە گێران ل ژێر ناڤێ‌ پێشەنگیا هزرا ئیسلامی دبیاڤێ‌ ئێكتر قەبوولكرنێ‌ دا

سەرۆكێ‌ زانكۆیا دهۆك پروفیسۆر دكتۆر مصلح دهۆكی پێشوازی كر ل رێڤەبەر وستافێ‌ سەنتەرێ‌ زەهاوی یێ‌ ڤەكولینێن هزری، درونشتنەكێ‌ دا سەرۆكێ‌ زانكۆیێ‌ ب خێرهاتنا ستافێ‌ سەنتەری كر بو زانكۆیا دهۆك ژبۆ ئەنجام دانا كوربەندەكێ‌ هزری دگەل سەنتەرێ‌ بێشكچی و داخازا سەركەفتنێ‌ بو وان خواست دیسان بەرهەڤیا خو دیاركر ژبۆ ئەنجام دانا پتر چالاكیێن هزری مینا كور و سمینار وكونفرانسان.


ل رێكەفتی 19/12/2019 ل سەنتەرێ‌ رەوشەنبیری وجڤاكی ل زانكۆیا دهۆك ب ئامادەبونا دكتور ئەحمەد محمەد هاریكارێ‌ سەرۆكێ‌ زانكۆیێ‌ بو كاروبارێن كارگێری ودارایی، سەنتەرێ‌ بێشكچی بو ڤەكولینێن مرۆڤایەتی ل زانكۆیا دهۆك ب هەڤكاری دگەل سەنتەرێ‌ زەهاوی بۆ ڤەكولینێن هزری كوربەندەك هاتە گێران ژێر ناڤێ‌ (پێشەنگیا هزرا ئیسلامی دبیاڤێ‌ ئێكتر قەبوولكرنێ‌ دا).


دكتور نشوان عبدلله رێڤەبەرێ‌ سەنتەرێ‌ بێشكچی گوت" ژ چالاكیێن سەنتەرێ‌ مە گێرانا سمینار و كوربەندا، لەورا بابەتێ‌ ڤێ‌ چالاكیێ‌ ژی ئەوێ‌ سەنتەرێ‌ مە دگەل سەنتەرێ‌ زەهاوی یێ‌ ڤەكولینێن هزری كو سەنتەرەكێ‌ میانەرەو ل باژێرێ‌ سلێمانیێ‌ یە هزرا ئیسلامی دنوكەدا ئێك ژ بابەتێن گرنگن ژبەر سەرهەلدانا فكرا توندرەویێ‌ داكۆ خەلكێ‌ مە دیرببیت ژ ڤێ‌ فكرێ‌ مە فەر دیت ئەم رونشتناكا بەرفرەه ئەنجام بدەین ل ژێر ناڤێ‌ (پێشەنگیا هزرا ئیسلامی دبیاڤێ‌ ئێكتر قەبوولكرنێ‌ دا) ودیسان ئەڤ چالاكیە ببیتە سەرەتایەك ژبو پتر ئەنجام دانا ڤان كورو سمیناران وب هەبوونا پشتەڤانیێ‌ ئەم كونفرانسەكێ‌ هزری یێ‌ بەر فرەهتر ئەنجام بدەین ل زانكۆیا دهۆك.
رێڤەبەرێ‌ سەنتەرێ‌ بێشكچی ئەوژی گوت" بابەتێن دڤێ‌ رونشتنێ‌ دا هاتینە بەحسكرن ئەوژی دیتنەكا هزری بو قبولكرنا بەرامبەر ژلایێ‌ سەباح بەرزنجی رێڤەبەرێ‌ سەنتەرێ‌ زەهاوی هاتە پێشكێشكرن، دیسان مێژوویا ئێك قبولكرنا ئاینان ل كوردستانێ‌ ئەو بابەت ژی ژلایێ‌ فەرسەت مەرعی ڤە هاتە بەحسكرن، تەوەرەكێ‌ دی یێ‌ ڤێ‌ رونشتنێ‌ قبولكرنا كەسێ‌ بەرامبەر ب دیتنەكا ئیسلامی دڤی كوربەندی دا هاتنە بەحسكرن.