وەك نەریتەكێ سالانە كولیژا پەروەردا وەزشی ل زانكۆیا دهۆك قارەمانیەكا یاریێن گورەپان و مەیدان بو هەر چار قوناغێن خاندنێ ل یاریگەها كولیژێ رێك دئێخیت و ب سەرپەرشتیا دكتور ئازاد ئەحمەد و راهینەرێن سەر ب كولیژان و ماموستایێن كولیژا پەروەردا وەرزشی ڤە ئەف قارەمانیە دهیتە برێڤەبرن وەك یا دیار قارەمانیە ئەف سالە یا كولیژا پەروەردا وەرزشی هەر ژبەر وێ چەندێ یە دا كو ئەف یاریە نە مریت و بەردەوامی ب چالاكیێن وێ بهێنە دان هەر وەك شارەزایێن ڤی َ یاریێ دەنە دیاركرن كو یاریێن گورەپان و مەیدان لسەرانسەری پارێزگەها دهوكێ دڤان سالاێن دووماهیێ دا یێ بەرف لاوازیێ دچن و ئەگەر چ چالاكی نە هێنە ئەنجام دان گومان تێدا نینە ئەف یاریە دێ بەرەف نەمانێ چیت وەكی چەندین یاریێن دی ، ژلایێ خوڤە سەرپەرشتێ قارەمانیێ. دكتور ئازاد ئەحمەد گوت ب بشتەڤانیا سەروكێ زانكویێ و راگریا كولیژا مە ئەف قارەمانیە دهیتە ئەنجامدان ژبەركو كولیژا پەروەردا وەرزشی جهێ پەرە پێدانا پەروەردەیی یە ئەف یاریە وەك وانەكا سەرەكی دهێتە خواندن و قوتابیی شارەزایەكا باش لسەر ڤێ وانێ وەردگرن ژلایێ تیوری و پراكتیكی ڤە بەلێ ئەگەر قارەمانیەكا بڤی جوری بو بهێتە ڤەكرن دێ پتر شارەزا بن و هەردیسان ژی دەرگەهەكە بو وان قارەمانان ئەوین ل كولیژا مە هاتینە وەرگرتن و بەگە ژی لسەر ڤێ چەندێ ئەوە ژسەرجەمێ 32 یاریان 22 قوتابیی شیان نمرێن پیڤای یێن سەر ب كولیژا پەروەردا وەرزشی ڤە پشكینن و ب جوداهیەكا مەزن وئەڤە ژی ڤە دگەریتەڤە بو خەمخوریا قوتابیان و گرنگی دانا وان ب راهینانان.
پشتی هەڤركیەكا مەزن دنافبەرا قوتابیێن هەر چار قوناغێن كولیژا پەروەردا وەرزشی هاتیە كرن قوتابیێن قوناغا دووێ شیان لرێزا ئێكێ بهێن و لسەر ئاستێ كچان ژی قوتابیێن قوناغا ئێكێ لرێزا ئیكێ هاتن .