ل زانكۆیا دهۆك فتارەك بۆ قوتابیێن پشكێن ناڤخۆیی هاتە بەرهەڤكرن

 

ل رۆژا 26/5/2019 ل ناڤەندا قوتابیان ل زانكۆیا دهۆك كو راگر و مامۆستا و قوتابیێن زانكۆیا دهۆك بەهەڤ ببون، سەرۆكاتیا زانكۆیا دهۆك ب هەڤكاری ل گەل لقا ئێك یا پارتی دیموكراتی كوردستان فتارەك بۆ قوتابیێن پشكێن ناڤخۆیی هاتە بەهەڤكرن.

د پەیڤەكی دا سەرۆكێ زانكۆیا دهۆك پ. د. مصلح دهۆكی دا ئاماژە دا سەر ڤان جۆرە خرڤەبوونان و دیاركر كو ئەڤرۆ فتارە بۆ قوتابیێن پشكێن ناڤخۆیی یێن زانكۆیا دهۆك هاتیە بەرهەڤ كرن چونكو قوتابیان تاقیكرنێن دووماهیێ‌ یێن هەین و ل پشكێن ناڤخۆیی د ئاكنجی نە و دەمێ‌ قوتابی مژیلی تاقیكرنان دڤێت دەمێ‌ وی بۆ خاندنێ‌ بیت.

ل دویف دا بەرێز سەربەست تروانشی ئەندامێ ئەنجومەنێ سەركردایەتیا پارتی و بەرپرسێ لقا ئێك د ڤێ‌ خرڤەبوونێ‌ دا و ب هەلكەفتا شورەشا گۆلانا پێشكەفتن خواز پەیڤەك ئاراستەی ئامادە بوویان كر و ئاماژە دا وێ ئێكێ كو شورەشا گۆلانێ ژ نەیێ دەستپێكر ب رێبەرایەتیا سەرۆك مسعود بارزانی ئومێد بۆ هەر چار پارچێن كوردستانێ دروست كرن، هەروەسا شورەشا گۆلانێ دیوارێ ترسێ هەرفاند كو د وی دەمی دا هێزا شورەشێ رێبازا بارزانی و بیر و باوەریێن شورەشێ و ئیرادا خەلكێ هەژارێ كوردستانێ و مورالا پێشمەرگێن شورەشێ بوو، دیسا ئاماژە دا وێ ئێكێ ژی كو قوتابی پشكەكا گرنگ بوون ژ شورەشێ ژبەر وێ چەندێ ئەركێ تەحەدییا زۆرداریا مێژوویێ ستویێ قوتابیان دایە