College of Humanities
راپورت: راگەھاندنا كۆلیژا زانستێن مرۆڤایەتی
فوتۆ: جلال ابراھیم و دژوار رۆشدی
ئەڤرۆ رێکەفتی ٦-٢-٢٠١٨ێ لھۆلا "بەدلیسی" پشکا دڕامایێ سەر ب کولیژا زانستێن مرۆڤایەتی/ زانکۆیا دھۆک، سمینارەک بو مامۆستایێ ھونەرمەندێ کوردێ بناڤ و دەنگ"موفەق روشدی" گێرا لدۆر(سەربۆرا من د وارێ شانۆ، سینەما و تەلەڤزیونێدا).
ئەڤ سمینارە ب ئامادەبوونا راگرێ کولیژا زانستێن مرۆڤایەتی ب وەکالەت د. ھوزان سلێمان دەسپێکر و ھەروەسا ب ئامادەبوونا ماموستا و قوتابیێن پشکا درامایێ سەر ب کولیژێ و پەیمانگەھا ھونەرێن جوان ڤە ھاتە ب رێڤەبرن.
دڤێ سمینارێدا ھونەرمەندێ ناڤبری رۆنکرنەک لدور ژیانا خو ھەر ژ دەستپێکێ دا دیارکرن کو ئەو نەخوەشیێن ھونەرمەندی بوراندین لسەر دەمێ سالێن حەفتێ و ھەشتیان و ھەمی بەرھەمێن خوە تا نوکە ھەین بەرچاڤکرن ب تایبەتی د وارێ شانۆ و سینەما و تەلەڤزیونێدا دا ب رێکا دیمەنێن ڤیدیو و فوتو نیشا تەماشەڤانان دا.
دڤێ سمینارێدا دیاربوو کو ھونەرمەندی گەلەک قوربانی داینە تاکو گەھەشتیە ڤی ئاستەی و دیارکر کو گرنگیێ بدەنە پشکا دڕامایێ داکو گھورینێن ھونەری دناڤ چڤاکیدا پەیدا ببن و بەرەڤ پێش بچن.
لدووماھیکا ڤێ سمینارێ دەرگەھێ دان و ستاندنێ ھاتە ڤەکرن و ئامادەبوویان پشکداری تێداکرن.
ژ ھەژیە بێژین ھونەرمەند "موفەق روشدی "خەلکێ باژێرێ دھوک ێ یە و دەرچویێ پەیمانگەھا ھونەرێن جوان ە ل موویسل لسالا 1983ێ و ھەروەسا دەرچویێ پەیمانگەھا گەشەپێدانێ یە و ئێک ژ دامەرزرێنەرێن پەیمانگەھا ھونەرێن جوانە لدھوکێ.
لسالا 1983 خەلاتێ باشترین ئەكتەر وەرگرت ب شانوگەریا (رەنی) و لسالا 1990 خەلاتێ باشترین ئەکتەر لسەرانسەری عیراقێ وەرگرتیە و نوکە ژی ماموستایێ پشکا شانۆیێ یە ل پەیمانگەھا ھونەرێن جوان و ئەندامێ سەندیکا ھونەرمەندێن کوردستانێ یە.