College of Humanities

راپورت: رێبەر روشدی
فوتو: ھاوکار نوری

ئەڤرۆ، رێکەفتی ١٧-١-٢٠١٨ێ شاندەکێ قوتابیێن قوتابخانا(داڤنشی)یا ناڤ دەولەتی، سەرەدانا کولیژا زانستێن مروڤایەتی کر، تایبەت سەرەدانا پشکا درامایێ و پشکا ھونەرێن شێوەکاری کرن.
دڤێ سەرەدانێدا، سەرۆکا پشکا دڕامایێ "د.نەفیسا اسماعیل" پێشوازیا شاندێ ناڤبری کر و چەندین دیمەنێن شانۆیێ ژبو ڤی شاندی پێشکێشکرن.
ھەر وەسا ماموستا"عسمەت حەجی"بریاردەرێ پشکا ھونەرێن شێوەکاری ژی پێشوازیا ڤی شاندی کر و جھێن وێنەکێشانێ نیشا وان دا و گەلەک مفا بخو ژ ڤێ گەریانێ وەرگرتن.
ژ ھەژی گوتنێ یە، ئەڤ شاندە ژلایێ یەکا راگەھاندنا کولیژێ ڤە ھاتبوو رێکخستن و پێک ھاتی بوو ژ (٧٠)قوتابیان و گەشتەکا زانستی بوو و ڤان قوتابیا وەک راپورت لسەر ڤێ گەشتێ نڤیسی و دێ بخو ڤێ گەشتێ کەنە پرۆژە بۆ قوتابخانا خو.