كۆلیژا دەرمانسازی ل زانكۆیا دهۆك شیایە ئەو شلەمەنیا ڤایرۆسێ كۆرۆنا پێ ڤەدگوهێزنە تاقیگەها ((Viral-Transport-Medium بەرهەم بینیت. ب سەرپەرشتیا سەرۆكێ زانكۆیا دهۆك پ. د. مصلح دهۆكی و ل سەر داخازیا رێڤەبەرێ گشتی یێ ساخلەمیا پارێزگەها دهۆك دكتور نزار عصمت ئەڤ كارە هاتە ئەنجام دان.
راگرێ كۆلیژا دەرمانسازی ل زانكۆیا دهۆك د. موئەیەد ئاغالی میرزا دیاركر كو ئەڤ بەرهەمئینانە ب هەڤكاری بوو دگەل تاقیگەها دهۆك یا ناڤەندی و كۆمپانیا نیوساندرد یا كۆنترۆلا جۆری، كو د. جاسم محمد عبدو پرۆفیسۆرێ هاریكار ل كۆلیژا دەرمانسازی ب هەڤکاری دگەل چەند بسپۆرەکا ل زانکۆیێ و تاقیگەها دهۆك یا ناڤەندی رابووینە ب بەرهەڤ كرن و بەرهەمئینانا ڤی كەرەستەی و ل دویف سالوخێن جیهانی.
هەژی گوتنێ یە هەتا نوكە500 یەکە ژێ هاتینە بەرهەمئینان و كار یێ بەردەوامە ل دویف داخاز و پێدڤیا رێڤەبەریا پاراستنا ساخلەمیا دهۆك كو رۆژانە ژ 100 هەتا 200 یەکا د شیاندایە بهێنە بەرهەمئینان، داكو ساخلەمیا دهۆك بشێت بەردەوام سەمپلا ژ كەسێن گۆمان لێكری ب توشبوونا ڤایرۆسێ كۆرۆنا وەگریت بۆ پشكنینێ.
بەرهەمئینانا ڤێ شلەمەنیێ د دەمەكی دایە كو نوكە ساخلەمیێ پتر ژ هەر دەمەكی پێدڤی یا پێ هەی نەمازە ئینان و پەیداكرنا وی ل بازارێن ناڤخۆیی ئەستەمە و هاوردە كرنا وێ ژی ژ دەرڤە ژ بەر ڤی كاودانی یا ب زەحمەتە لەورا ئەڤ دەستپێشخەریە ژ لایێ زانكۆیا دهۆك ڤە هاتە كرن كو ئێكە ژ دەستكەفتێن دی یێن زانستی ئەوێن زانكۆیا دهۆك پێشكێشی جڤاكی بگشتی دكەت.
پشکدار:
دکتور جاسم محمد عبدو پرۆفیسۆرێ هاریکار ل کۆلیژا دەرمانسازی و راوێژکارێ زانستی ل کۆمپانیا نیوستاندرد.
دكتور روند عبد الخالق صبری ل لابورا ناڤاندیا دهۆك
دكتور سعد الله فریق صالح ل لابورا ناڤاندیا دهۆك
مامۆستا غزوان احمد محم رۆۆف هاریکارێ راگرێ کۆلیژا دەرمانسازی