جینۆساید مەترسیدارترین تاوانە روی ب روی گەلان دبیت، د دیرۆكێ دا چەندین تاوانێن ژ ڤی جۆری ھاتینە ئەنجامدان، گەلێ كوردستانێ وەك گەلەكێ ژێردەست، ب درێژاھیا دیرۆكا خۆ، ل سەردەمێن دەستھەلاتێن جودا، ب كۆمەكا ھۆكار و بەھانەیێن جیاواز بریارا قڕكرن و جینۆسایدێ بۆ ھاتیە دان. جینۆسایدا كوردێن فەیلی شالاوەكا درندە بوو، كو رژێمێن ئێك ل دویڤ ئێكێن عیراقێ ب چەندین قۆناغان دژی كوردێن فەیلی ئەنجامدای و ل سەر دەمێ رژێما بەعس گەھشتە گوپیتكا توندیێ.
ل ژێر چاڤدێریا جەنابێ سەرۆكێ ھێژا مەسعود بارزانی و ب پالپشتیا سەرۆكاتیا ئەنجومەنێ وەزیران، ھەرسێ زانكۆیێن (سەلاحەدین – ھەولێر، دھۆك و سۆران) ب ھەڤپشكی دێ كۆنفرانسەكێ زانستیێ نێڤدەولەتیێ جینۆسایدا گەلێ كورد (جینۆسایدا كوردێن فەیلی) ئەنجامدەن. ب پشكداریا چەندین زانا و ئەكادیمی و دیرۆكنڤێس و كەسایەتیێن شارەزا یێن ناڤدەولەتی و ناڤخۆیی د ڤی بواری دا، كو تێدا دویماھی ڤەكۆلین و ئەنجامێن ڤەكۆلینان ب بەلگەیێن دیرۆكی دێ ھێنە پێشكێشكرن.
ل رۆژا سێشەمب رێكەڤتی ٢ـی گۆلانا ٢٠٢٣ ل ھۆلا (سەعد عەبدوللا) ل ھەولێرێ، ل دەمژمێر (٩:٣٠)ـی سپێدێ دێ ھێتە ئەنجامدان و بۆ ماوێ ٣ رۆژان دێ بەردەوام بیت.