ب مەرەما خورتترکرنا پەیوەندیا و مفاوەرگرتن ژ ئەزمۆنێن سەرکەڤتیێن زانکۆیا دهۆک، ل ٢١ـی ئیلۆنێ ٢٠٢٣، شاندەكێ زانكۆیا راپەرین ب سەرۆكاتیا د. پەیمان رەمەزان ئەحمەد، سەرۆكا زانكۆیا راپەرین، سەرەدانا زانكۆیا دھۆك كر و ژلایێ سەرۆكێ زانكۆیا دھۆك، د. داود سلێمان ئەتروشی ڤە ھاتە پێشوازیكرن.

د روینشتنەکێ دا، ب ئامادەبوونا هاریکارێن سەرۆکێ زانکۆیێ د. لقمان هادی حەسەن و د. دلشاد عەبدولجەبار حەلیم، سەرۆکێ زانکۆیا دهۆک ب گەرمی پێشوازیا شاندێ مێڤان کر و بەرهەڤیا زانکۆیا دهۆک دیارکر بۆ هەڤکاری و هەماهەنگیێ.پاشی دانوستاندن ل دۆر خۆرتتركرنا پەیوەندیا کر، ب تایبەتی د بوارێ لێكگوھارتنا مامۆستایا و ئەنجامدانا ھەڤكاریێ د بوارێ ڤەكۆلینێن زانستی دا و سەرپەرشتیكرنا ڤەكۆلینێن ئەكادیمی، دیسا مفاوەرگرتن ژ ئەزمۆنێن زانكۆیا دھۆك وەكو ئێك ژ زانكۆیێن پێشەنگ ل ھەرێما كوردستانێ. ژ لایێ خۆ ڤە سەرۆکا زانکۆیا راپەرین، سەرەرای پێشکێشکرنا سوپاسیان بۆ پێشوازیا گەرما زانکۆیا دهۆک، باس ل ئەزمۆنێن سەرکەڤتیێن زانکۆیا دهۆک کر و گرنگیا مفاوەرگرنێ ژ ڤان ئەزمۆنان.

ھەژی ئاماژێ یە، پێشوەخت رێكەڤتنەكا لێكتێگەھشتنێ د ناڤبەرا زانكۆیا دھۆك و زانكۆیا راپەرین دا ھاتیە ئیمزاكرن، ب مەرەما ھەڤكاریێ د بوارێن زانستی و ئەكادیمی دا.

راگەھاندنا زانكۆیا دھۆك، ٢٣ـی ئیلۆنێ ٢٠٢٣

فۆتۆ: عەلی بانکی