رۆژا جیهانیا چیایە ل زانكۆیا دهۆك هاتە ساخكرن، پ.ه.د مزگین محەمەد حەسەن، سەرۆكێ پشكا جوكرافی ل كولیژا زانستێن مرۆڤایەتی ل زانكۆیا دهۆك گۆت:" ئەڤە بریارە ژلایێ نەتەوەیێن ئێكگرتی ڤە، ل سالا 1992ێ هاتیەدان و لسەر سەرانسەری جیهانێ دئێتە ساخكرن و ب تایبەت ل دەڤەرێن چیایی و هەر سال لسەر بابەتەكێ تایبەت دئێتەكرن ئەنجامدان، قوتابیێن مە ب سەرپەرستیا د. ئەحمەد ب پێشتەڤانیا راگریا كولیژێ ئەڤ سال بابەتێ سرۆشتی هەلبژارتیە و ڤەكولین لسەر ئەنجامداینە".
سەرۆكێ پشكا جوكرافی ل كولیژا زانستێن مرۆڤایەتی ئاماژەدا، ئەم دزانین چیا ژێدەرەكێ مەزنە و یێن بووینە ژینگەهێ ژێدەرێن ژیانا خەلكی و هەرێما كوردستانێ ژی بێ بەهر نەبوویە ژڤێ چەندێ خۆ د شەراندا چیا ئەم پاراستینە و بووینە جهێن دارستان و خوجهی و باژێر، ژبەر ڤێ ئێكێ لەوا گرنگە ئەم چاڤدانەكا تایبەت بدەینە چیا، جونكی خەلكی خۆ دگەل ژیانا سەختا چیا گۆنجاندیە ".
ئەڤرۆ چەندین ڤەكۆلینێن بچوویك ژلایێ قۆتابیێن پشكا جوكرافی ل كولیژا زانستێن مرۆڤایەتی هاتنە شرۆڤەكرن و بەحس ل سرۆشتێ چیا هاتەكرن.
راكەهاندنا زانكۆیا دهۆك: هەلز عەلی سەلیم