ب مەرەما بهێزترکرنا هەڤکاری و هەماهەنگیێ ل ناڤبەرا زانکۆیا دهۆک و زانکۆیا شرناخ، ئەڤرۆ رێکەڤتی ١٧ـی نیسانێ ٢٠٢٤، د. عەبدولرەحیم ئەلقیش، سەرۆکێ زانکۆیا شرناخ ل وەلاتێ تورکیا سەرا زانکۆیا دهۆک دا و ژ لایێ د. داود سلێمان ئەتروشی، سەرۆکێ زانکۆیا دهۆک ڤە هاتە پێشوازیکرن. د روینشتنەکێ دا، باس ل کەتوارێ هەردوو زانکۆیا و دەلیڤەیێن هەبوونا کار و پرۆژێن هەڤپشک و بهێزترکرنا پەیوەندیێن ئەکادیمی ل ناڤبەرا هەردوو زانکۆیا هاتەکرن و هیڤی خواستن کو د پاشەرۆژێ دا هژمارەکا پرۆژە و چالاکیێن زانستی ب هەڤپشک ل ناڤبەرا هەردوو زانکۆیان بهێنە ئەنجامدان.
راگەهاندنا زانکۆیا دهۆک؛ ١٧ـی نیسانێ ٢٠٢٤
فۆتۆ: حسێن تتمی