A meeting at UoD regarding the admission of students form Mousil

سەرۆكێ‌ زانكۆیا دهۆك پ. د. مصلح دهۆكی ل رۆژا 28/10/2018 پێشوازی ل شاندەكێ‌ پەرلەمانتارێن میسل یێن جڤاتا نوینەرێن عیراقا فیدرال كر كو ژبەر مێڤانكرنا قوتابیێن كورد یێن زانكۆیا میسل سەرەدانا سەرۆكاتیا زانكۆیا دهۆك كربوو.
ل گەل ڤی شاندی هەروەسا نوینەرێن ئێكەتیا قوتابیێن كوردستانێ‌ لقا میسل و چەند قوتابیەك ژی ل گەل دابوون كو بەری نوكە بابەتێ‌ وان گەهشتیە وەزارەتا خواندنا بلند و ڤەكۆلینێن زانستی ل حكومەتا هەرێما كوردستانێ‌ و وەزارەتا خواندنا بلند ژی د. داود سلێمان راسپاردیە دیفچوونا ڤی بابەتی بكەت داكو ل گەل زانكۆیێن دەڤەرێ‌ چارەك بۆ مێڤانكرنا وان بهێتە دیتن.
سەرۆكێ‌ زانكۆیا دهۆك گۆت ئەوا دشیان دابیت دێ‌ بۆ قوتابیێن كورد ل زانكۆیا میسل كەین و وەكو مێڤانداری ل زانكۆیا دهۆك وەرگرین، دیارژی كر كو زانكۆیا دهۆك ئەڤ سالە گڤاشتنەكا مەزن ل خۆ كریە و دێ‌ دۆرێن پێنج هزار قوتابیان وەرگریت داكو زیان نەگەهیتە قوتابیێن دەڤەرا دهۆكێ‌ و رێژەكا مەزن بهێتە وەرگرتن.
نوینەرێ‌ وەزارەتا خواندنا بلند د. داود سلێمان دیاركر كو دڤێت ناڤ و پشك و ئەو قووناغێن ئەڤ قوتابیە لێ‌ دخوینن بگەهنە وەزارەتا خواندنا بلند داكو ل سەر زانكۆیێن هەرێمێ‌ بهێنە بەلاڤ كرن، چونكو دۆرێن 2200 دوهزار و دوسەد قوتابیانە و زانكۆیەك بتنێ‌ نەشێت ڤێ‌ هژمارا زۆر یا قوتابیان وەربگریت.