د ھەردوو رۆژێن چارشەمبی و پێنج شەمبی رێكەڤتی 9و 10ـی تەباخێ2023 گەرا حەفتێ یا تاقیكرنا دیاركرنا ئاستی یا زمانێ ئنگلیزی ژلایێ 540 پشكدارا ژ ھەرسێ سەنتەرێن زمانان یێن زانكۆیێن (دھۆك، زاخۆ و پۆلیتەكنیكا دھۆك) ب شێوەیێ ناڤەندی ل زانكۆیا دھۆك ھاتە ئەنجامدان.
پرۆسێسا تاقیكرنا ئاستی یا زمانێ ئنگلیزی ل زانکۆیا دهۆک ب ئامادەبوونا ھاریكارێ سەرۆكێ زانكۆیا دھۆك بۆ كاروبارێن زانستی، د. لوقمان ھادی حەسەن، و رێڤەبەرێ سەنتەرێ زمانان ل زانکۆیا دهۆک د. ئەمین عەبدولقادر عومەر و د. نزار محەمەد رێڤەبەرێ سەنتەرێ زمانی ل زانکۆیا پۆلیتەکنیکا دهۆک، و مامۆستا ئیڤان حەسەن رێڤەبەرێ سەنتەرێ زمانی ل زانکۆیا زاخۆ ھاتە ئەنجامدان.
ھەژی ئاماژەدانێ یە 2890 پشكداران ل سەنتەرێن زمانان ل زانكۆیێن حكومی یێن ھەرێما كوردستانێ تاقیكرنا دیاركرنا ئاستی یا زمانێ ئنگلیزی ئەنجام دا.
راگەھاندنا زانكۆیا دھۆك؛ 10ـی تەباخێ 2023