خوله‌كا موزیكێ ب شێوه‌یه‌كێ زانستى و ئه‌كادیمى لسه‌ر فێربوونا ژه‌نینا ئامیرێ پیانویێ و دەنگ بێژیێ وه‌ك (ستران گوتن) ب دووماھی ھات.
ماموستایێ زانكۆیێ خطاب ئه‌رتوشى سه‌رپه‌رشتێ خولێ دیاركر "ئه‌ڤ خولا فێركرنێ بو ماوێ (٢) حه فتیان هاته پێشكێشكرن ژلایێ پشكا چالاكیان ل سه نته‌رێ قوتابیان و رێڤه‌به‌ریا دلنیایی جورى بو سه‌رجه‌م قوتابیێن پشكێن زانستى ل زانكۆیا دهۆك یێن حه‌زا موزیكێ و ستران گوتنێ هه‌ى و دڤێ خولێ دا وانه‌یێن (تیورى و پراكتیكى) لسه‌ر فێربوونا چاوانیا ژه‌نینا لسه‌ر ئامیرێ پیانویێ و گوتنا سترانان و ب كار ئینانا ده‌نگى ب رێكێن دروست و زانستى بۆ قوتابيان هاتنه گوتن".
خطاب ئه‌رتوشى ل دور بابه‌تێن خولێ گوت "دڤێ خولێدا هژماره‌كا بابه‌تان هاتنه‌ دان بۆ قوتابیان وه‌ك فێركرنا قوتابى لسه‌ر ژه‌نینا ئامیرێ پیانویێ و پێناسا موزیكێ و مێژوویا وێ و روینشتن و دروست دانانا ده‌ستان و تبلان لسه‌ر كیبوردێ ئامیرێ پیانویێ و شاره‌زایى لسه‌ر تونێن ده‌نگى و ده‌نگێن موزیكێ لسه‌ر ئامیرێ پیانویێ و ب كارئینانا هه‌ردوو ده‌ستان راست و چه‌پ لسه‌ر كیبوردێ پیانویێ و فێربونا زمانێ موزیكێ كو نوته‌یا موزیكێ یه‌ و زمانه‌كێ جیهانى یه‌ و دیسان فێربونا ریتمێن موزیكێ و تێمپویێ و مه‌قامێن موزیكێ و ژه‌نینا مه‌قامان سكێل و ژه‌نینا پارچێن موزیكێ یێن ساده‌ و فێركرنا بنه‌مایێن سه‌ره‌تایى یێن موزیكێ، هه‌روسا فێركرنا قوتابى لسه‌ر ده‌نگى و ستران گوتنێ وه‌ك ب هێزكرنا گوهێ قوتابى كو گوهه‌كێ موزیكێ هه‌بیتن ئه‌و گوهێ په‌روه‌رده‌كرى و یێ ب هێز دزانستێن موزیكێ دا و چاوانییا لاسایكرنا ده‌نگ و چینێن موزیكێ و دیسان قوتابخانه‌ و شێوازێن جودا دستران گوتنێدا و راستڤه‌كرنا شاشیێن وان دگوتنێدا و فێركرنا وان لسه‌ر ده‌رئێخستنا پیته و ووشه‌یێن دروست یێت هوزانا سترانێ و ده‌ربرینا وێ و دیسان گوتنا سترانێ ب رێكێن راست و دروست و ب ریێن زانستى و دگه‌ل ده‌ربرینا ده‌نگێ كو ب هه‌ست ستران بهێته‌ گوتن و راهێنانێن ده‌نگى لایێ پراكتیكى ڤه ".
ئه‌ڤ خولا موزیكێ بو ماوێ دوو حه‌فتیان یا به‌رده‌وام بوو ب سه‌رپه‌رشتیا ماموستایێ زانكۆیا دهۆك خطاب ئه‌رتوشى بسپورێ زانستێن موزیكێ دا