تۆرا دەرچوویێن زانكۆیا دهۆك ل رۆژا 26/3/2019 پەنەلەك ل دۆر دەرچوویێن زانكۆیێ و چاوانیا خزمەتكرنا وان د بیاڤێن جودا دا ل هۆلا كۆنفرانسان ل زانكۆیا دهۆك گێرا.
د ڤی پەنەلی دا كو چار بابەت هاتنە بەحس كرن ژلایێ بەرێزان (د. نزار نعمان ژ زانكۆیا ئەمریكی ل كوردستانێ ـ دهۆك، د. لوقمان هادی هاریكارێ سەرۆكێ زانكۆیا دهۆك بۆ كاروبارێن زانستی و خواندنا بلند، سەلمە عوەیزی ژ زانكۆیا ئەمریكی ل بەیروت، ئەحمەد عزەددین رێڤەبەرێ كۆمپانیا هیوندای ل دهۆكێ).
د پەنەلی دا بەحسێ چاوانیا خزمەتكرنا دەرچوویێن زانكۆیێ هاتە كرن ژ لایێ پەیدا كرنا دەلیڤێن كاری و خۆپێشخستنا دەرچوویان و دویڤچوونا دەلیڤێن كاری، هەروەسا جۆرێ پەیوەندیا دەرچوویان دگەل زانكۆیێ.
هژمارەكا دەرچوویێن زانكۆیێ و قوتابیێن قووناغێن دووماهیێ یێن زانكۆیێ دڤی پەنەلی دا د پشكدار بوون.