ل رۆژا 30/8/2021 سهنتهرێ ڤهكۆلینێن جینوسایدێ ل زانكۆیا دهۆك و رێكخراوا 88 یا ناساندنا تاوانێن ئهنفالی ب ههماههنگی دگهل رێڤهبهرێ ناحیا مانگێشكێ، بریندار حهیدهر، هژمارهكا چالاكیان ئهنجام دان:
- ب ئامادهبوونا هژمارهكا دامودهزگههێن حكومی و حزبی و ئهنداما پهرلهمانێ كوردستانێ، ژیان تاهر، و هاوهلاتیان، سهرهدانا گورێن بكوم ل گوندێ كورێمێ كر و قهفتهكا گولا دانانه لسهر گورێن شههیدان.
- سهرهدانا گوندێ ئێكمالا بهر خابیر و گوندێ گوندكوسه، و روینشتن دگهل رزگاربووی و كهسوكارێن قوربانیێن ئهنفالان.
ریڤهبهرێ سهنتهرێ ڤهكۆلینێن جینوسایدێ ل زانكۆیێ، د. سالم جاسم، گوت" چالكیێن ئهڤرۆ ژ پروژێ (ئهنفال د بیردانكا مه دایه)، كو ئهڤ پروژه هاتیه ئهنجام دان دگهل رێكخراوا 88 یا ناساندنا تاوانێن ئهنفالی ب مهرهما ساخكرنا یادا 33 سالیا ئهنفالێن بادینان و ئارمانج ژ ڤان چالاكیان ئهوه كو ئهنفال و قورتالبویێن ئهنفالا د بیردانكا مهدا ب زیندی بمینن".