Book fair at BEŞIKÇI center
Dec. 21, 2016, 10:58 a.m.

سەنتەرێ‌ بێشكچی بۆ ڤەكۆلینێن مۆوڤایەتی چالاكیەكا خواندن و نیشادانا پەرتووكان ل رۆژا 4/12/2016 ل ناڤەندا قوتابیان بۆ چەند قوتابیێن زانكۆیا دهۆك ئەنجام دا.

د. نەشوان شكری رێڤەبەرێ‌ سەنتەرێ‌ بێشكچی بۆ ڤەكۆلینێن مۆوڤایەتی دیاركر كو مەرەم ژ ڤێ‌ چالاكیێ‌ ئەوە مێشكێ‌ قوتابی بەرەف خواندنێ‌ ڤە ببەن و حەزا وان یا خواندنێ‌ پتر لێ‌ بكەن و مێشكێ‌ وی ڤەكری تر بكەن، گۆت ژی د ڤێ‌ چالاكیێ‌ دا قوتابی هاتە ئازاد كرن بۆ هەلبژارتنا پەرتووكەكی و ل دویف دا ب ئامادەبوونا چەند مامۆستایێن زانكۆیێ‌ قوتابی ناڤەرووكا وێ‌ پەرتووكێ‌ ب دەتە دیاركرن و ب ڤێ‌ رێكێ‌ ئەو قوتابیێن ئامادەبووی هەمیان دێ‌ پێزانین ل سەر ناڤەرووكا وان هەمی پەرتووكان هەبن.

رێڤەبەرێ‌ سەنتەرێ‌ بێشكچی بۆ ڤەكۆلینێن مۆوڤایەتی ئەو ژی گۆت كو ئەو پەرتووكا قوتابی د هەلبژێریت بۆ نیشادانێ‌ دێ‌ دیاری بیت بۆ قوتابی ژلایێ‌ سەنتەری ڤە زێدەباری دیاریەكا دی بۆ قوتابیێن پشكدار بۆ وێ‌ چەندێ‌ قوتابی هاند بدەن پشكداریێ‌ د ڤان جۆرە چالاكیان دا بكەن.