سەنتەرێ بێشكچى سمینارەك ل دۆر زمانێ سومەرى رێكخست
Sept. 27, 2021, 10:22 p.m.

ل رۆژا 27/9/2021 ل سەنتەرێ رەوشەنبیرى و جڤاكى یێ زانكۆیا دهۆك، سەنتەرێ بێشكچى یێ ڤەكۆلینێن مرۆڤایەتى سمینارەك بۆ مامۆستا تحسین عەزیز محمد ل ژێر ناڤ و نیشانێن (زمانێ مێخى، سومەرى زمانێ كوردى یە) رێكخست.

تحسین عەزیز محمد خودانێ پەرتوكا" فەرهەنگى شامێرى مادا" گۆت" مەرەم ژ پێشكێشكرنا ڤێ سمینارێ ئەوە كو ب سەلمینم زمانێ مێخى سومەرى زمانێ كوردى یە، سومەرى پاشایێن پەیڤێن كوردى یێن هەمى زاراڤا هەتا ئەڤرۆ مللەتێ كورد پێ دئاخڤیت، زانا و مامۆستایێن زانكوَیێن بیانێ هەر ژ زانكوَیا ئوكسفۆرد و پەنسلڤانیا و زانكوَیێن دى یێن جیهانى هەمى بەحس ل وێ ئێكێ دكەن كو زمانێ سومەرى بەرى 2000 سالان بوو، نوكە كەس نینە ل جیهانێ ب ڤێ زمانێ ب ئاخڤیت، ئەگەر ئەوە ل ڤان زانكوَیان لێكدانا زمان و پەیڤێن سومەرى ب زمانێ ئەكەدى هاتیە لێكدان.

مامۆستا تحسین عەزیز ئەو ژى گۆت" ئەو لێكدانێن زانكۆیێن جیهانى ل سەر زمانێ سومەرى من ئینانینە و بێ دەستكارى بتنێ ب سەلماندن كو زمانێ كوردى ژسومەرى هاتیە ل پەرتوكا بناڤێ فەرهەنگى شامێرى مادا بەلاڤ كرینە و هاتیە چاپكرن.