College of Education - Akre
لژێر چاڤدێریا بەڕێز (د.رشاد کمال مصطفی) راگرێ کۆلیژا پەروەردە-ئاکرێ رۆژا چوارشەمبی رێکەفتی (٥-٤-٢٠٢٣) رێورەسمێن دویماهیک هاتنا خۆلا توپا پێ، ب ئامادەبوونا ئەندامێن جڤاتا کۆلیژێ و ژمارەیەک ژ سازیێن حیزبی و نوێنەرێ لقا ئاکرێ یا ئێکەتیا قوتابیێن کوردستانێ و ژمارەیەک ل ماموستا و فەرمانبەرێن کۆلیژێ بڕێڤەچوو، کۆ ژلایێ یەکا وەرزشی یا کۆلیژا مە بۆ قوتابیێن پشکێن زانستیێن کۆلیژێ هاتبوو ڤەکرن.
هەژی ئاماژەپێکرنێ یە د یاریا دویماهیێدا، کۆ دناڤبەرا قوتابیێن پشکا زمانێ کوردی و قوتابیێن پشکا زمانێ ئێنگلیزی بڕێڤەچوو، د ئەنجامدا قوتابیێن پشکا زمانێ کوردی شیا بسەرکەڤیت و ببیتە پالەوانا خۆلێ.
ل دویماهییا رێورەسمێدا چەندین رێزلێنان و سوپاسی و دیاری ژلایێ بەڕێز (د.رشاد کمال مصطفی) راگرێ کۆلیژا پەروەردە ئاکرێ پێشکێشی ئەڤان بەرێزێن ناڤ و نیشانێن ئەوان لخوارێ دیاریکری هاتنە کرن بۆ ئەو هەڤکاری و خزمەتا بەردەوام دگەل یەکا وەرزشی ئەنجامددەن.
- راگریا پەیمانگەها تەکنیکی یا ئاکرێ
- لیژنا ئێکەتیا قوتابیێن کوردستانێ یا کۆلیژا مە.
- بەرێز (سردار قشتو) بەرپرسێ یەکا وەرزشی یا کۆلیژا مە.
هەروەها چەندین دیاری ب سەر سەرکەفتیێن ئێکێ و دوویێ و دادڤانێن یاریێ هاتنە دابەشکرن و هێژا راگرێ کۆلیژێ پیرۆزبایی ل سەرکەفتییان کرن.