College of Science
لابورەکا پێشکەفتی و هەڤچەرخ ل زانکویا دهوك هاتە ڤەکرن
ب مەرەما پێشڤەبرنا ئاستێ ڤەکولینێن زانستی بشێوەکێ جورەیی و پێشکەفتیتر، رێکەفتی 2022/7/4 و ل ژێر چاڤدێری یا جەنابێ رێزدار دکتور داود ئەتروشی سەروکێ زانکویا دهوك و ب بەرهەڤبوونا بەرێزان هـاریکارێ سەروکێ زانکویێ بو کاروبارێن کارگێری و راگرێ کولیژا زانست و ماموستایێن زانکویێ، لابورا مایکروسکوپا ئەلکترونی د بیاڤێ نانوتەکنەلوژیایێ دا ل کولیژا ناڤبری هاتە ڤەکرن، ئەڤ لابورە ب پالپشتیا دارایی یا دەزگەهێ PEER یێ ئەمریکی و ل ژێر چاڤدێریا زانکویا دهوك هاتیە دانان.
دکتورە سوهاد عبدالرحمن سەرپەرشت وبەرپرسا ڤێ لابورێ ژ پشکا کێمیایێ دەربارەی ڤی پروژەی دبێژیت:
ئەڤ پێنگاڤا زانستی د بیاڤێ نانوتەکنەلوژیایێ دا دێ دەلیڤەکا هەرە مەزن پەیداکەت ژ بو ڤەکولەرێن زانکویا دهوك و دەڤەرێ ژ بو ئەنجامدانا پشکنینێن سامپلێن ڤەکۆلینان ل ڤێ لابورێ ژ بەرکو بەری یا نوکە ئەڤ جورە پشکنینە د هاتنە هنارتن بو ژ دەرڤەی هەرێمێ