College of Science
ب مەرەما خورتکرنا پەیوەندیان د بیاڤێ بزاڤا ڤەکولینێ دا، شاندەکێ زانکویا موستەنسریە سەرەدانا کولیژا زانست کر ل زانکویا دهوك
د چارچوڤێ پێشڤەبرنا بزاڤا ڤەکولینێ و ئاستێ خواندنێ، ئەڤرو رێکەفتی 2022/7/3 شاندەکێ کولیژا زانست ژ زانکویا موستەنسریە بسەرەدانەکا فەرمی گەهشتە کولیژا زانست ل زانکویا دهوك، شاند یێ پێكهاتی بوو ژ کومەکا ڤەکولەران و ماموستایێن زانکویێ ژ پشکێن بایلوجی و فیزیك و کێمیك ژ کولیژا ناڤبری ، هاتنە پێشوازیکرن ژلایێ بەرێز پ. هـ. دکتور هێمن اسماعیل عثمان هاریکارێ راگری و کومەکا ماموستایێن کولیژێ ڤە.
ئەڤ سەرەدانە هات د چارچوڤێ وێ رێکەفتنا لێکتێگەهشتنا زانستی ئەوا هاتیە ئیمزاکرن دناڤبەرا هەردوو زانکویان دا، دهێتە زانین کو شاندێ ناڤبری سەرەدانا پشکێن بایلوجی و فیزیك و کێمیك ل کولیژێ کر و چەندین سمینار و چالاکیێن زانستی هاتنە ئەنجامدان.