College of Science
ب مەرەما مفا وەرگرتن ژ شیانێن ماموستایێن زانکویێ ل زانکویێن وەلاتێن پێشکەفتی و بهێزکرنا پەیوەندیان د بیاڤێ فیزیایێ دا، و ب بەرهەڤبونا بەرێز د. داود ئەتروشی سەروکێ زانکویا دهوك و بەرێز د. محمد عزیز راگرێ کولیژا زانست و بەرێز د. امیر عبدالرحمن راوێژکارێ وەزیرێ خواندنا بلند ل روژا سێ شەمبی رێکەفتی 2023/3/7 مینی کورسەکێ پێشکەفتی د بیاڤێ کوانتوم فیزیك دا لدور بابەتێ ( Electromagnetic Vacum ) بو ماموستا و قوتابیێن بەشێ فیزیایێ هاتە ڤەکرن ژ لایێ شارازایێ بسپور د بیاڤێ ناڤبری دا، پروفیسور ابراهیم کەریمی ماموستا ل زانکویا ئوتاوا ل وەلاتێ کەنەدا.
بوزانین ناڤبری شارازایەکێ بەرنیاسە لسەر ئاستێ جیهانێ و پتریا زانکویێن پێشکەفتی سالانە داخازناما بو د هنێرن بمەرەما گوتنا چەند سمینارێن زانستی و ئەنجامدانا ووركشوپان لەوما هەر ب هەمان ئارمانج هاتیە داخازکرن ژلایێ زانکویا دهوك ڤە، ژ هەژی گوتنێ ئەڤ کورسە بو ماوێ دوو روژان ڤەکێشا و گەنگەشەکا ب تێروتەسەل هاتەکرن لدور بابەت و هزرێن جورەجور د بیاڤێ ناڤبری دا.