كومبونا كولیژا زانستێن سیاسی دگەل چڤاتا کولیژێ
روژا: پینج شەمب
رێكەفتی ٢٠٢٣/٥/١٨
ب راسپاردەیا راگرێ كولیژا زانستێن سیاسی پ.هـ.د هەوار خەلیل كومبونا كولیژا زانستێن سیاسی دگەل چڤاتا کولیژێ، ھەمی ماموستایان (میلاک، گرێبەست، سەرەدان و محازر) و یەکەیێن کولیژێ هاتە ئەنجام دان.
ل دەسپێكێ ب خێرهاتنا هەمی ماموستاین هاتەكرن ژلایێ راگرێ كولیژێ و هەروەسا داخاز ژ ماموستایان كر پێكڤە باس ل هەمی بابەتێن گرێدای كولیژێ بهێتەكرن. هەر وەسا داخاز ژ سەروك بەشان هاتەكرن كو بەردەوام كومبون بهێنە ئەنجامدان دگەل ماموستایان ژ بو هەر گرفتەكێ یان داخازیەكێ ژلایێ ماموستایان ڤە هەبیت و بگەهینە جڤاتا كولیژێ. دیسان باس ل ئەركێ راگرێ كولیژێ هاتەكرن ل سەر ئاستێ نافخو و دەرڤەی كولیژێ، دیاركر كو هەر ژ دەسپێكا دامەزراندنا كولیژێ مە گەلەك هەولداینە ژبو ب دەستڤەئینانا پێداویستیێن كولیژێ دێ بەردەوامبین و ب ئەركێ خو دزانین.
د.هەوار باس ل دوو خالێن گرنگ كر كو پێدڤی یە ئەڤ چەندە بهێنە باسكرن ژبو پتر پێشڤە چونا كولیژێ و سەرەدەریا ماموستایان دگەل قوتابیان ..
١- شەفافیەت: ژبو نە ئەنجامدانا گەندەلیێ و بەرسینگرتنا وێ، چ بهێتە كرن. مە گەلەك جورێن گەندەلیێ هەنە لێ یا گرێدای كارێ مە ئەوە، سەرەدەری د داهتی دا كو ب درێژی باس ل وی داهاتی هاتەكرن یێ بو کولیژێ دهێت و كا چ بهێتەكرن ژبو پێشڤەبرنا ئاستێ زانستی و دابینكرنا پێداویستیێن کولیژێ ل دیف ڤی داهاتی، دیسا وی داهاتێ بو ماموستایێن سەرەدان دهێتە تەرخانكرن. هەروەسا گەندەلیا د نمرێت قوتابیاندا دهێتەكرن داخازكر ب دادپەروەرانە سەرەدەری دگەل بهێتەكرن و بێی فەرق و جوداهی، دیسان دیاركر كو كولیژە یا د قوناغەكا هەستیاردا، بو جارا ئێكێ یە دێ پروسا خاندنا ماستەرێ دكولیژێدا هێتە ئەنجامدان لەوا یا پێدڤی یە ب دادپەروەرانە سەرەدەریێ دگەل وان قوتابیان بهێتەكرن یێن پێشكێشكری ژبو دەستڤە ئینانا كورسیا خاندنێ.
٢- رەوشت: جەنابێ راگری داخاز ژ ماموستایان كر كو ڤێ خالێ بەرچاڤ وەرگرن و د هشیاربن، ژبەركو چاڤدێریەكا باش هەیە ل سەر زانكویێ ژبو دیفچونا ڤی بابەتی و سزایێن توند هەنە بو ڤێ چەندێ لەوا هیڤیە پاراستیبن، دیسان باس ل هندێ هاتەكرن كو (كوتلە) نەهێنە دروستكرن دناڤبەرا ماموستایان دا و هەمی وەك خێزانەكێ سەرەدەریێ بكەن.
ل دوماهیێ گەنگەشەكا گەرم هاتەكرن دناڤبەرا ماموستایان، باس ل چەندین بابەتا هاتەكرن وەك، گرفتێن پشكان كو گرێدای نە ئامادەبونا قوتابیان، ئەزمونێن دوماهیێ، پروسا بولونا، كارێ دلنیا جوری، خەرجیێن ماموستایێن سەرەدان، كتێبخانا كولیژێ كو هاتە پێشبینی كرن نڤیسینگەهەكا ئەلكترونی بهێتە دانان و گەلەك بابەتێن دی هاتنە گەنگەشەكرن و بریار هاتنە دان.
راپۆرت: م.هـ ملڤان احمد حجي