كۆنفرانسێ نێڤدەولەتیێ ئاشتیێ لژێر ناڤێ (ئاڤاكرنا ئاشتیێ ل دەمێن ئالۆز دا) ل وەلاتێ ئەلمانیا ل باژێرێ گیسن ب پشتەڤانیا DAAD ل ١٢ و ١٣ی ڤێ مەهێ هاتە ئەنجامدان، ب پشكداریا زانكۆیا دهۆك و زانكۆیا (Justus-Liebg-Giesen) وئنستتیۆتا كاباس یا كۆلومبی كو تێدا چەندین ڤەكۆلەران ژ (هەرێما كوردستانێ، ئەلمانیا، كۆلومبیا، ئەرجەنتین و ئەفریقیا باشوور) پشكداری تێدا كربوو، کو ١٢ مامۆستایێن زانکۆیا دهۆک ڤەکۆلینێن خۆ لدۆر بابەتێ کۆنفرانسی پێشکێشکرن.
ئەڤ كۆنفرانسە پرۆژەكێ هەڤكاریێ یە د ناڤبەرا زانكۆیا دهۆك و زانكۆیا Justus-Liebig-Giessen یا ئەلمانی دا، كو دێ بۆ دوو سالان یێ بەردەوام بیت. پرۆفیسۆر ستیڤان پیتەرس رێڤەبەرێ پرۆژەی ل زانكۆیا گیسن بەرهەڤیا خۆ دیاركر لدۆر بەرفرەهكرنا ئاستێ هەڤكاریێ دگەل زانكۆیا دهۆك د بوارێ ئاڤاكرنا ئاشتیێ دا و گۆت "تیمێ وان دێ سەردانەك هەبیت بۆ زانكۆیا دهۆك ل دویماهیا ڤێ سالێ و هیڤی خواست كو ببیتە دەلیڤەك بۆ بەرفرهكرنا پەیوەندیان دگەل زانكۆیا دهۆك".