قونسلیا گشتی یا ئەمریکی ل هەولێرێ پرۆگرامەکێ سەرکردایەتیێ ب ناڤێ (پرۆگرامێ ئاڵوگۆریا پشکداریا کارا د جڤاکی دا) بۆ گەنجێن ٢١ تا ٢٨ سالی راگەهاند، کو ئەو گەنجێ ل ڤی پرۆگرامی دهێتە وەرگرتن دێ بۆ ماوێ سێ هەیڤا ل ویلایەتێن ئێکگرتیێن ئەمریکا مینیت.
ئەڤە ژی دەقێ راگەهاندنا قونسلیا گشتی یا ئەمریکی یە ل هەولێرێ:
ئەرێ تۆ گەنجەکێ سەرکردێ پرۆژایی ل دەڤەرا خۆ و ب پەرۆشی بۆ فێربوونا زێدەتر و باشترکرنا کوالتیا ژیانێ ل وی جڤاکێ تو لێ ئاکنجی؟
ئەگەر ب ڤی شێوەی بیت، پێزانینان ل دۆر (پرۆگرامێ ئاڵوگۆریا پشکداریا کارا د جڤاکی دا) بۆ ساڵا ٢٠٢٣ـێ وەربگرە.
ئەڤ پرۆگرامە پشتەڤانیێ ل گەنجێن تازەپێگەهشتیێن تەمەن ٢١ بۆ ٢٨ سال دکەت و د نوکە دا پێشکێشکرنا داخوازیێ بۆ پرۆگرامێ ناڤبری یا ڤەکریە.
د چارچوڤێ ڤی پرۆگرامی دا و ب بۆراندنا سێ مەها ل ویلایەتێن ئێکگرتیێن ئەمریکا و کارکرن ل سەر پرۆژێن هەڤپکش و بەرنامەسازیا تۆکمە یا پشکدارێن بەرێ یێن پرۆگرامینە، ئەو ئامراز دێ هێنە بەردەستکرن بۆ گەنجێن سەرکردەیێن داهاتیێن ناڤ جڤاکی مەدەنی کو ژ ١٠٠ وەڵاتێن جیهانێ بۆ پەرەپێدانا چارەسەریا بەردەوام و هەمەلایەنی بۆ وان ئاستەنگێن رووی برووی جڤاکی دبن.
بۆ پێشکێشکرنا داخوازیا خۆ و وەرگرتنا پێزانینێن زێدەتر، سەرەدانا ویبسایتێ باڵیوزخانە و قۆنسلخانەیا ئەمریکا ل عیراقێ بکە:
تێبینی:
٣٠ـی تشرینا دووێ ٢٠٢٢، دویماهیک ژڤانە بۆ پێشکێشکرنا داخوازیێ.