بۆ پشتەڤانیا پێکڤەژیانێ.. زانکۆیا دهۆک روینشتنەک دگەل پێکهاتێن حەمدانیێ ئەنجامدا
March 14, 2023, 4:41 p.m.

د چارچۆڤێ پرۆژێ (پشتەڤانیا پێرابوونێن کەلتۆریێن رەسەن ل دەشتا نەینەوا)، ئەوێ زانکۆیا دهۆک ب هەڤکاری دگەل رێکخراوا USAID ئەنجامددەت و ب مەرەما هەلسەنگاندنا بجهئینانا پرۆژێ ناڤبری و ئەنجامدانا دانوستاندنا ل دۆر چەوانیا بهێزترکرنا پێکڤەژیانێ ل قەزا حەمدانیێ ل دەشتا نەینەوا، ئەڤرۆ رێکەڤتی ١٤ـی ئادارێ ٢٠٢٣، روینشتنا سێیێ یا تایبەت ل دۆر هشیاری و بەرپرسیاریێ هاتە ئەنجامدان و تێدا نوینەرێن پێکهاتێن قەزا حەمدانیێ ئامادەبوون، کو پێکهاتی بوون ژ نوینەرێن پێکهاتێن کرستیان، شەبەک، کاکەیی و تورکمان.

د ڤێ روینشتنێ دا و ب ئامادەبوونا د. لقمان هادی حەسەن و د. نەبەز ئیبراهیم محەمەد هاریکارێن سەرۆکێ زانکۆیا دهۆک و د. رەند حەمۆدی، رێڤەبەرا ئۆفیسا پەیوەندیێن نیڤدەولەتی و هژمارەکا مامۆستایێن زانکۆیا دهۆک، دانوستاندن ل دۆر ئاستێ پێکڤەژیانێ و رێگری و بەربەستێن دکەڤنە د ڤی بواری دا و چەوانیا بەزاندنا ڤان بەربەستان هاتنە ئەنجامدان. ل دویماهیێ ژی هەمی لایەن ل سەر هژمارەکا راسپاردێن کرداری رێککەڤتن، کو د قۆناغێن بهێت یێن پرۆژەی دا، ئەڤ راسپاردە دێ بنە کریار بۆ پشتەڤانیا پێکڤەژیانێ ل دەڤەرێ.

راگەهاندنا زانکۆیا دهۆک؛ ١٤ـی ئادار ٢٠٢٣

عسمەت خابوور و حسێن تتمی