Remembrance of Dr. Saadi Al-Babily
April 16, 2017, 3:30 p.m.

ل پشكا شێوەكاری ل كۆلیژا زانستێن مرۆڤایەتی ل زانكۆیا دهۆك ل رۆژا 16/4/2017 تازیا مامۆستایێ‌ زانكۆیا دهۆك د. سعدی ئەلبابلی هاتە دانان.

راگرێ‌ كۆلیژا زانستێن مرۆڤایەتی ل زانكۆیا دهۆك د. كەرەڤان ئامێدی دیاركر كو د. سعدی ئەلبابلی سەرۆكێ‌ پشكا شێوەكاری بوو ل كۆلیژا زانستێن مرۆڤایەتی و ل رۆژا 10 ی نیسانێ‌ چوویە بەر دلوڤانیا خودێ‌، چونكو خێزانا وی ل وەلاتێ‌ تونسە لەورا جەنازێ‌ وی بۆ وەلاتێ‌ تونس هاتە هنارتن.

 د. كەرەڤان ئامێدی ئەو ژی گۆت كو هژمارەكا مامۆستایێن زانكۆیا دهۆك و قوتابیێن كۆلیژا زانستێن مرۆڤایەتی ل تازیا خودێ‌ ژێ‌ رازی بەرهەڤ ببون وەكو رێزگرتن بۆ وێ‌ ماندیبوونا د. سعدی ئەلبابلی ل زانكۆیا دهۆك بری كو هەردەم هیڤیێن وی ئەوبوون گەنجێن خودان شیان پێ‌ بگەهینیت و هونەرمەندێن شێوەكاری یێن ئەكادیمی پەیدا ببن.